الاتحاد العربي لكرة السلة يدعو الأهلي للمشاركة في البطولة العربية
دعا الاتحاد العربى لكرة السلة النادى الأهلى للمشاركة فى منافسات البطولة العربية للأندية المقرر إقامتها في شهر أكتوبر المقبل.
البطولة العربية لكرة السلة
وجاءت دعوة الاتحاد العربي لكرة السلة للنادي الأهلى للمشاركة في البطولة العربية للأندية بصفته بطل النسخة الماضية التى أقيمت في مدينة الاسكندرية بشهر أكتوبر من العام الماضي 2021.
يوسف المعداوي ومؤمن موسى
من ناحية أخرى نجح نادي طلائع الجيش في التوصل لاتفاق مع مسئولي النادي الأهلي من أجل التعاقد مع ثنائي الفريق الأول لكرة السلة بالنادي لتدعيم صفوف فريق رجال السلة في الموسم المقبل.
وكشف مصدر داخل النادى الأهلى أن طلائع الجيش أنهى إجراءات التعاقد مع ثنائي شباب سلة الأهلي يوسف المعداوي ومؤمن موسى على سبيل الإعارة لمدة موسم واحد.
وأوضح المصدر أن أشرف توفيق المدير الفني لفريق سلة طلائع الجيش هو من طلب التعاقد مع ثنائي الأهلي الشاب من أجل تدعيم صفوف فريقه بداية من منافسات الموسم القادم.
وكان يوسف المعداوي قد انتقل لنادي طنطا الموسم الماضي على سبيل الإعارة قبل أن يقرر الإسباني أوجستي بوش المدير الفني للأهلي عودته في شهر يناير، ولكنه لم يحصل على فرصة كبيرة في اللعب ليتم الاستقرار على خروجه معارًا مرة أخرى.
بينما مؤمن موسى لعب الموسم الماضي في صفوف نادي الزهور على سبيل الإعارة أيضًا وساهم في صعود فريقه للدوري الممتاز قبل أن يتقرر انتقاله لطلائع الجيش.
مودى الجارحي
من ناحية أخرى وجه مودي الجارحي قائد الفريق الأول لكرة السلة بالنادي الأهلي رسالة للجمهور بشأن تجديدات عقود اللاعبين أو رحيل البعض بشكل أو بآخر عن صفوف القلعة الحمراء خلال الفترة الحالية.
وكتب الجارحي عبر حسابه الشخصي على موقع التواصل الاجتماعي فيس بوك: "مفيش لاعب بيضحي عشان خاطر النادي الاهلي، عدد محدود الى بيضحى بجد وانا عارفهم وبالأسم في كل الالعاب، الكل بيستفاد من وجوده في النادي الاهلي وجود اي لاعب في النادي الاهلي دا شرف كبير اوي"
شعبية الأهلى
وأضاف: "قبل النادي الأهلي اللاعب مفيش اتنين عارفينه في الشارع بعد النادي الأهلي مصر كلها عارفاك لمجرد ارتباط اسمك بأسم النادي الاهلي والامثلة كتير اوي، انك ترحل او تتفاوض علي الفلوس دا حقك طبعا كل واحد بيشوف مصلحته ولكن احنا كجمهور النادي الاهلي علينا عامل كبير اوي في الكلام دا عشان احنا بنكبر اي حد وبنحسس اي حد انه فوق النادي وبنضغط على الإدارة ومعرفش علي اساس ايه بنعمل كده".
وواصل: "اللاعب دا بياخد عقد قدامه بيتمرن وبيلعب ومطلوب منه يكسب اي بطولة بيلعبها او يعمل اللي عليه والتوفيق دا بتاع ربنا، لا احنا كجمهور بعد اي ماتش ننزل ٥٠ بوست للاعب نشكره ونحسسه أنه خيره علي النادي وانوا كان بيلعب لوحده فا طبيعي اللاعب وهو بيجدد هيتشرط علي النادي ولما يجي النادي الاهلي يقولوا دا اخرنا في الفلوس ودا الصح طبعا فا اللاعب يمشي فا الجمهور بيكون عنده صدمة لا احنا النادي الاهلي والنادي الاهلي مش بيوقف علي حد في اي لعبة".
