محمد الشقنقيري لزوجته: "أنا آسف إني جرحتك "
اعتذر الفنان محمد الشقنقيري، لزوجته بعد أزمته الأخيرة مع الموديل رحيل ذكري.
ونشر الشقنقيري صورًا تجمعه بزوجته، عبر حسابه الشخصي بموقع التواصل الاجتماعي "فيس بوك"، وعلق قائلا: "بحبك وآسف من كل قلبي، آسف على أي تصرف ممكن يكون جرحك أثناء غيابك، أسف على دخولي في تفاهات خلال انفصالنا".
وأضاف: "كان لازم أعمل لغيبتك ألف حساب وكان لازم أقدر الأمور أحسن من كده، حتى في طلاقنا أقحمتك في معاركي الخاصة وبرضه كنتي سندي الوحيد زي ما طول عمرك سند وضهر، آسف عمري كله اللي جاي،، بس اللي بينا أكبر بكتير من كل ده، إحنا بينا مش عشرة سنة ولا أتنين إحنا بينا عشرة ٢٥ سنة، بينا بيت وحياة وولاد وعشرة عمر".
وتابع: "أنت حب العمر كله، أنت الحب الوحيد في حياتي، أنا وعدتك وإحنا بنرجع إني عمري ما ها جرحك في يوم من الأيام وللأسف ما فيش كام شهر ودخلتك في دوامة ملكيش ذنب فيها وفي وقت حتى مكنتش موجودة في بس برضه كان لازم أخد بالي كويس أنا بعمل إيه وبتعامل مع مين وإزاى".
