ذبح طالبة المنصورة.. حكاية جريمة هزت مصر وأصابت النشطاء بالرعب

حالة من الذهول انتابت نشطاء مواقع التواصل الاجتماعي بعد ذبح طالب لزميلته في حرم جامعة المنصورة، وتصدر هاشتاج "جامعة المنصورة" تريند مصر على تويتر بعد الجريمة التي وصفها النشطاء بأنها الجريمة المأساوية التي هزت مصر، وأصابت نشطاء مواقع التواصل الاجتماعي بالخوف الشديد.

جريمة هزت مصر

عبر نشطاء مواقع التواصل الاجتماعي عن حزنهم على مصرع الطالبة، مؤكدين أن مقطع الفيديو أصابهم بحالة من الرعب على مشهد مقتل الفتاة، مطالبين بإجراءات رادعة حتي لا يتكرر المشهد المؤلم مرة أخرى.
قالت صفاء الهواري "الطالبه اسمها نيره اشرف ربنا يرحمها ويغفر لها.. القاتل اسمه محمد عادل اسماعيل ربنا ينتقم منه الاتنين طلبه فى كلية اداب جامعه المنصوره.. كفايه كدا #جامعة_المنصوره"
وعلق إبراهيم سعيد قائلًا: "طالب دبح فتاة من #جامعه_المنصوره قد اي الناس بقت علي قلبهم غشاوة يارب خرجنا منها علي خير واحفظنا ايه القسوه دي.. خالص عزائي لاسره طالبه جامعه المنصوره الله يرحمها ويغفر لها ويدخلها جناته ويصبر اهلها وكل احبابها منظر بشع ياريت محدش يشير الفيديو ولا يتفرج عليه بجد اللهم احفظنا"

بشاعة المشهد

وأضافت ميما النمر "أنا مش قادر أتعافى من بعد ڤيديو المنصوره النهارده بجد.. احنا ازاي وصلنا لكده.. #جامعة_المنصورة"
وعلق محمد صلاح قائلًا: "الدنيا بقت مكان بشع وکل شویة بیزداد بشاعة مش متخيل اللي إحنا وصلناله وحقيقي مفيش حاجة تتقال غير الدعاء ده "اللهم وإن أردت بقوم فتنه فتوفنا غير مفتونين لا ضالين ولا مضلين" و"ربنا أخرجنا من هذه القرية الظالم أهلها واجعل لنا من لدنك وليا واجعل لنا من لدنك نصيرا" #جامعه_المنصوره"

وقال خالد ابن الشيخ "أمر مرعب ربنا يخرجنا منها على خير واحد رقبته تتقطع في اسماعيليه وواحده تدبح قدام جامعه المنصوره وواحده تدبح عيالها التلاته وتنتحر وجوزها يدعيلها احنا عايشين فين دي كل الحاجات دي مكملتش شهر واحد #جامعة_المنصوره"
ورد منير وصفي قائلًا: "تابعت بصدمة مرعبة مشهد ذبح طالب في #جامعه_المنصوره لزميلته أمام أسوار الجامعة بصورة بشعة.. لا يقلل من واقعها علي نفوس من شاهدو هذا المشهد الا إعدام هذا المجرم علنا في ميدان عام او تصوير اعدامه ليكون عبرة ويكون هناك مراجعة ودراسة كيف وصلنا الي هذا الحال..فين اعلام تعليم البيت!" 

مرحلة سيئة

فيما علق جونيور أكس فقال: "للأسف إحنا وصلنا لمرحلة سيئة جدًا مكناش نتخيل إنها تجيلنا في الأحلام مش إننا نشوفها على الواقع كلمة قتل كانت بتزلزل أي حد قبل كده وأيا كان اي يخلي واحد يعمل كده في زميلته ولو بينهم علاقة حتي علاقة إيه بين ولد وبنت تنتهي بذبح. ده المفروض يتعدم النهارده قبل بكرا #جامعه_المنصوره"

وقال علي حامد "يا ريت الناس اللي بتقول قتلها عشان عرض عليا الجواز وهي رفضت تنقطنا بسكاتها عشان دي سمعه بنت واللي بيقولوا برضو ماتت وهي علي ذنب بخصوص لبسها يا ريت يعم انت وهو بلاش تدخلك اللي ملوش اي لزوم دا ادعيلها أن ربنا يرحمها وخلاص.. جامعة_المنصوره"
ورد أبو رهف قائلًا: "ولكم في القصاص حياه ياولي الالباب الله يرحمها ويغفر لها ولكن لوكان فيه عقاب حازم لما وصلنا لكل هذا الظلم والقهر #جامعه_المنصوره"

الإمساك بالقاتل

وقال أحمد فهمي " #جامعة_المنصوره أثناء ما كان المجرم ده بيعتدي علي البنت كان في ٣ شباب واقفين بيتفرجو منهم إلا مسك المجرم بعد ما عمل عملته البشعة مش فاهم ازاى فضلو واقفين يتفرجو عليه لحد ما عمل كده"
وعلقت كوين 6106 قائلة: "يعني ايييييه واحدة تدبح بكل سهولة كده!!! لا واللي بيصور بيصور من قبل ماتتقتل اصلاا، طب الوقت اللي طلع فونه وصور كان أنقذها طب كان نبه حد انه يلحقها قبل ماتتقتل لكن لااا اي حااااجة تحصل بسرعة تتفتح الكاميرا ويصوروا وبس بجد حسبي الله ونعم الوكيل #جامعه_المنصوره"

أول تعليق من جامعة المنصورة بشأن مقتل طالبة الآداب علي يد زميلها

مقاطع جديدة لذبح طالبة المنصورة على يد زميلها| فيديو

وقالت نورهان "فيديو فتاة المنصورة بشع جدا من وقتها واعصابى سايبة ازاى فى حد يقدر يعمل كده ازاى الناس سايبينه لحد ما دبحها ومحدش حاشه من اول ما اتعرضلها احنا عايشين وسط أسوء مجموعة بشرية ربنا يرحمها ويصبر اهلها البنت دى ذنبها فى رقبة كل واحد وقف يتفرج حسبى الله ونعم الوكيل #جامعة_المنصوره"