أحمد سعد: حضَّرت أغنية لو الأهلي فاز.. وعمرو أديب: نقبك طلع على شونة | فيديو
طلب الإعلامي عمرو أديب من المطرب أحمد سعد، التعليق على تعادل الأهلي والزمالك، في مباراة القمة ببطولة الدوري العام بنتيجة 2/2.
أغنية الأهلي
وقال أحمد سعد خلال برنامج “الحكاية” المذاع على قناة “mbc مصر”: "كنت محضَّر أغنية هقولها لو الأهلي فاز"، ليعلق عمرو أديب: "يا صغنونة يا صغنونة.. نقبك طلع على شونة، بس حظكم نار يا ابني".
مباراة الأهلي والزمالك
ولفت أحمد سعد: "طول ما أنا جاي في الطريق بحضَّر أغنية لما الأهلي يكسب ولحَّنتها وجهِّزتها، ولكن ماتش الأهلي كان حلو ومتكافئ، المفاجأة الوحيدة اللى حصلت هي التعادل، بس الأهلي ملعبش أحسن حاجة".
وقال المطرب أحمد سعد، في نفس اللقاء: "مراتي هي ترمومتر حياتي وأنا حريص على الاستماع لها ولنصائحها في المنزل تجنبًا لحدوث أي مشكلات لأني عندي رغبة في وجود الاستقرار الأسري".
أسرة أحمد سعد
وأضاف: "الاستقرار الأسري خاصة بعد استقبال ابنتي، أعطاني أملًا وبقيت طبيعي زي بيوت كتيرة في مصر".
زوجة أحمد سعد
وتابع: "مراتي دايمًا في ضهري ومركزة معايا أوي، ومش بقاوح معاها وبسمع الكلام جدا، وبقول حاضر في البيت وبسمع كلامها في اللى بتفهم فيه وهي بتفهم في الموضة والفاشون وهي نفسها حلو في الأوردرات وملهاش علاقة بالطبخ، وأنا دلوقتي عامل دايت وأكلي كله مشوي".
