زاهي حواس: كليوباترا أحبت شخصين وحاولت مع الثالث ولما رفضها انتحرت | فيديو
قال الدكتور زاهي حواس، عالم المصريات ووزير الآثار الأسبق: "كليوباترا أحبت شخصين وحاولت مع الثالث ورفضها".
زواج كليوباترا
وأضاف خلال لقائه ببرنامج "الستات" الذي تقدمه مفيدة شيحة وسهير جودة بقناة "النهار": "معرفش إذا كانت كليوباترا أحبت اللى اتجوزتهم ولا لأ لكن هما حبوها، واتجوزت قيصر وراحت قعدت معاه في روما مدة طويلة ولما مات رجعت مصر تاني".
أجندة كليوباترا
وتابع: "كليوباترا كان عندها أجندة أنها تحكم العالم، وشافت أهم اتنين في الدنيا في الوقت ده كان قيصر ومارك أنطوني".
غرام مارك أنطوني
وأردف: "مارك أنطوني كان عايز ينتقم من كليوباترا لأن اتضايق جدا من أنها بهدلت قيصر وخلفت منه، لكن أول لما شافها وقع في غرامها وساب روما وعاش في مصر".
مقبرة كليوباترا
واستطرد: "إحنا بندور على كليوباترا منذ أكثر من 12 سنة، في معبد يبعد عن الإسكندرية 47 كيلو غرب المدينة ونحفر هناك وبندور على المقبرة وطلعنا تماثيل لكليوباترا وعملات لها، وعرفنا أنها كانت قبيحة الشكل وفي العملة مناخيرها كبيرة لكن الجمال مش بالحلاوة وكانت شخصية قوية وكانت فيها حاجة جذابة".
انتحار كليوباترا
وأكمل: "كليوباترا محبتش لا قيصر ولا مارك أنطوني ولكن كانت عايزة تحكم العالم من خلال مصر، ولما أوكتافيوس هزم مارك أنطوني بعتت لأنطوني جواب بتقوله أنها خلاص ماتت فانتحر وراحت لأوكتافيوس وقالت له أنا حرة وبتاعتك معبرهاش وكان عنده نية يأخدها أسيرة ويجرجرها في روما قدام الناس، ولكنها في النهاية انتحرت وجابت الكوبرى وماتت وفقا لما قاله شكسبير".
