أيمن بهجت قمر رفقة شيرين: إن شاء الله أحلى أغاني
نشر الشاعر الغنائي أيمن بهجت قمر عبر حسابه الشخصي على موقع التغريدات الشهير "تويتر" صورة من كواليس التحضير لأعمال غنائية جديدة رفقة المطربة شيرين عبد الوهاب.
أيمن بهجت قمر
وعلق أيمن بهجت قمر على الصورة قائلا: "ان شاء الله أحلى أغاني مع شيرين".
أزمة شيرين وبهاء الدين محمد
وكانت الفنانة شيرين عبد الوهاب أثارت جدلًا كبيرا خلال الأيام الماضية، بعد تصريحها بأن أكثر أغنية ندمت على تقديمها كانت "ماتجرحنيش" وهي من كلمات بهاء الدين محمد.
ليرد الشاعر بهاء الدين محمد عليها قائلًا عبر حسابه على فيس بوك: "مش متعود أرد على أي حد.. ولكن لما حد يتجاوز حدوده لازم يقف مكانه، ويعرف إنه مهما اتعود يغلط لازم ييجى عند بعض الأسماء ويحاسب ويخلى باله، وخاصة لما حد في كل كارثة يدافع عنها.. وهتكلم باختصار جدا".
وأضاف: "المشهد الأول، أول يوم دخلت شيرين عبد الوهاب مكتبي كانت مع الأستاذ نصر محروس، اللي هو صاحب الفضل في تقديمها، وبعد دقائق من اللقاء لقينا شيرين بتبكي وسألها نصر بتعيطي ليه ردت علشان أنا قاعدة مع الأستاذ بهاء".
وتابع: "والمشهد الثاني رشحتها تغني كتير بنعشق، ولولا موافقة نصر احتراما للعشرة اللي بنا ماكانتش هتغنيها، لأنها كانت موقوفة من النقابة".
بهاء الدين محمد
واستكمل: " المشهد الثالث لما فوجئت بمدير أعمالها الراجل اللي أنا بحبه وبحترمه، لقيته بيكلمنى نيابة عنها ويقولي سمعني الجديد، وده طبعا خطأ لأن اللى بيغني مهما كان اسمه مش المفروض يغلط غلطة زي دي، لأن المشهد ده مش لايق على المشهد الأول.. المشهد الرابع والأخير أغنية ماتجرحنيش أنا لحد الآن مش عاجبني غُنا شيرين مع احترامي الكامل لصوتها، وأكيد لولا الأستاذ نصر ماكانش هيتم اللقاء.. وماتجرحنيش من أهم أعمالي ومن حقي أدافع عنها".
واختتم: "وكمان لأول مرة ألاقي حد بيحارب نَفسه وبيغلط في مبدعين اشتركوا في صناعته.. وعشان أكتب الكلام ده يبقى شيرين غلطانه كالعادة، بس كان لازم أقولها ما تعمليش كده تاني وأنتي بتكبري بس مش هتعدي حدود حجم بعض الأسماء ولا أعمالهم".
