ريم مصطفى تكشف موقفها من المشاهد الجريئة في السينما
كشفت الفنانة ريم مصطفى، للإعلامية لميس الحديدي، عن رأيها في تجسيد المشاهد الجريئة في الأعمال السينمائية.
المشاهد الجريئة
وقالت ريم مصطفى خلال لقائها ببرنامج “كلمة أخيرة” المذاع على قناة “on e”: "لا أحب المشاركة في مشهد جريء يتسبب في ضيق أبنائي أو خجلانهم مني أو استياء أحد من الناس".
مشهد فيلم ولاد رزق 2
وأضافت: "في فيلم "ولاد رزق 2" كنت ضيفة شرف والدور كان فيه حتة جريئة وكان فيه مشهد هيبقى فيه رقص فقعدت مع المخرج طارق العريان علشان أعرف المشهد هيمشي إزاي ومحدش يبقى خجلان مني".
وكشفت الفنانة ريم مصطفى، في نفس اللقاء، لأول مرة عن تجربة زواجها التي امتدت لمدة 10 سنوات قبل أن يحدث الانفصال بعد طلبها.
أبناء ريم مصطفى
وأكدت “ريم” خلال لقائها ببرنامج “كلمة أخيرة” الذي تقدمه الإعلامية لميس الحديدي بقناة “on e”: "اتجوزت واتطلقت وعندي طفلان عمر وعلي".
زواج ريم مصطفى
وأضافت: "اتجوزت صغيرة جدًّا كان عندي 19 سنة والتجربة دي كانت من أهم التجارب اللي في حياتي وعلمتني أهم حاجة تختاري شريك حياتي، وأبو ولادي ابن ناس ولكن إحنا كنا مختلفين تمامًا ودي كانت مشكلة إنما هو مكانش وحش".
طريقة انفصال ريم مصطفى
وتابعت: "كنت بقعد أتكلم معاه أننا لما ننفصل يكون بهدوء بعيد عن المحاكم، وتربطني به علاقة صداقة واحترام بعد الانفصال، ويوم لما هبقى عايز آخد رأيه في حاجة هكلمه والحمد لله طلعنا عيال كويسة جدًّا".
فترة زواج ريم مصطفى
ولفتت ريم مصطفى: "قعدت متجوزة 10 سنين، واتطلقت علشان كنا مختلفين من السما للأرض برغم إننا عمرنا ما اتخانقنا ومكانش فيه بيننا مشاكل".
أسباب تدفع المرأة للطلاق
وأشارت: "الست ما تقدرش تكمل في الزواج لما يكون فيه عدم إحساس بالأمان أو السعادة، ولو راجل خاين أو كداب فهكون حاسة بعدم الأمان، ولو هو مش هيضيف لي سعادة هنا يجب الانفصال
اتجوزت طليقي عن حب مش زواج صالونات، وأخذنا قرار الطلاق في هدوء وجلسة ودية وقلت له إننا ننفصل طالما مش عارفين نتفاهم ونتفق، وطلاقي كان القرار الصح".
