نجوى فؤاد: بقالي أكثر من سنة طريحة الفراش ومحدش بيسأل عليا | فيديو
قالت الفنانة نجوى فؤاد: "أنا زعلانة من الوسط الفني محدش بيسأل عليا، وبقالي أكثر من سنة طريحة الفراش لأن عندي انزلاق غضروفي وعرق النسا وأعاني من آلام مبرحة".
علاج طبيعي مكثف
وأضافت خلال مداخلة هاتفية ببرنامج "تقدر مع الغيطي" الذي يقدمه الإعلامي محمد الغيطي بقناة "الشمس": "أخضع لعلاج طبيعي مكثف لأني عندي مشكلة في الفقرة الرابعة والخامسة في العمود الفقري".
العودة للتمثيل
ولفتت نجوى فؤاد: "نفسي أرجع الشغل تاني، وأشارك في أعمال فنية".
وردت الفنانة منة جلال، على ما أثير خلال الساعات الماضية حول دخول الفنانة نجوى فؤاد في غيبوبة، قائلة: "إشاعة سخيفة".
وكتبت منة جلال عبر حسابها الرسمي بموقع التواصل الاجتماعي "فيسبوك"، قائلة: "إشاعة سخيفة جدا إن أستاذة نجوى فواد فى غيبوبة، الكلام ده غلط، والأخبار إللى نازلة مش مظبوطة، كل اللى حصل إن استاذة نجوى اكتشفت إن عندها عرق النساء، وأثَّر على ظهرها، فالدكتور أعطاها جرعة زيادة عشان يخفف الألم، والمقصود من كلمة غيبوبة هى النوم علشان التعب رهيب".
وأضافت منة جلال: “أرجو من سيادتكم بلاش أذى نفسي للناس الكبار فى السن ده، إنتو مش عارفين بتعملوا فيهم إيه بسبب الأخبار دي، بجد أذى نفسى كفاية اللي الست فيه، محدش بيكلمها ولا حد بيشغلها أرجوكم (جبر الخواطر)”.
