استاد القاهرة ينهي أزمة أحمد الجندي
نجح مسئولو استاد القاهرة في حل أزمة أحمد الجندي بطل الخماسي الحديث، عقب شكوى الأخير من منعه من دخول مجمع حمامات السباحة بسيارته لخوض التدريبات.
جلسة مع أحمد الجندي
وعقد وليد عبد الوهاب، مدير عام استاد القاهرة، جلسة مع البطل الأولمبي أحمد الجندي لتوضيح الأمر، مؤكدا أن أن المنع جاء بسبب وجود إصلاحات في المجمع وحرصا على عدم حدوث أي تلفيات لسيارات المتواجدين، وأن ما حدث جاء بسبب عدم علم أمن الاستاد بالإصلاحات.
وأكد وليد عبد الوهاب في تصريحات خاصة لـ«فيتو»، أن اللاعب تفهم الأمر، مؤكدا أن استاد القاهرة يقدر كافة الأبطال الرياضيين ويدعمهم بشكل كبير لمواصلة مسيرة الإنجازات.
وكان الجندي قد أبدى انزعاجه عبر صفحته الرسمية بعدما علم من الأمن بمنع دخول سيارته، بناء على قرار أحد مسئولي ستاد القاهرة.
وكتب أحمد الجندي عبر حسابه الرسمي بموقع التواصل الاجتماعي فيسبوك: «حصل موقف النهاردة عند مجمع حمامات السباحة بستاد القاهرة الساعة 6 الصبح وانا داخل التمرين الأمن قال لي إن في تعليمات بعدم دخول العربيات لـparking المخصص لحمام السباحة ولا حتى الركنة في محيط الباب الخارجي للجراچ يعني لو عايز تركن يبقى تروح تركن بعيد عن الباب بحوالي 100 متر».
وأضاف: «يعني انت محتاجلك حوالي من 10 لـ 15 دقيقة عشان توصل لحمام السباحة نفسه بسبب مسافة الـparking الكبيرة أساسًا».
وتابع: «المهم بسأل الأمن ليه التعليمات ده قال لي أصل في (مسؤول) كان داخل حمام السباحة امبارح الثلاثاء (اتعطل ١٢ دقيقة)!!! فالدنيا اتقلبت و(المسؤول) قرر أنه يعاقب الكل أن مفيش عربيات تدخل الـparking اللي بياخد حوالي 200 عربية بدون عمل أي اعتبار إن ده لاعب منتخب ولا أي حاجة ومش بس كدة لا، ده كمان محدش يركن في محيط الباب الخارجي أصلًا اللي هو أنا بعاقبك أنك هتدخل بشنط التمرين 15 دقيقة مشي الساعة 6 الصبح وتتأخر على تمرينك عشان (انا المسؤول) اركن مكان الـ200 عربية».
وواصل: «يعني أنا أبقى صاحي 5 الصبح وورايا يوم طويل عشان اروح مكان التمرين اللي هو أصلا المفروض تبقى كل حاجة متسهلة فيه مش بنقول بقى ده موقف في الشارع فطبيعي انه يحصل، ومع كامل احترامي الفكرة إن (المسؤول) ده المفروض انه عارف قد ايه أن اللاعب بيبقى الصبح صاحي مش شايف قدامه من قلة النوم أو المجهود فبدل ماتيسرله تمرينه لا احنا نعطله أكتر».
وأكمل: «أنا مش هربط الموضوع ده بموضوع (محمد الشوربجي) لاعب الاسكواش لإن المشكلة دي تعتبر نقطة في بحر وممكن أي حد تاني يشوفها مش مستاهلة ولا أي حاجة لكن لا أي حد بيلعب رياضة بشكل محترف هيفهم النقطة في أن كل واحد فينا مبيصدق يلاقي حاجة تريحه يعني انا لو عليا كنت ركنت عربيتي مكان الـstart بتاع حمام السباحة».
وكان أحمد الجندي لاعب المنتخب المصري للخماسي الحديث قد توج بفضية أولمبياد طوكيو 2020 في نسختها الأخيرة.
