مرتضي منصور: "أحلام جماهير الزمالك أوامر|فيديو
أكد مرتضى منصور رئيس نادي الزمالك أن تطوير حمامات السباحة تم فى شهر واحد، جاء ذلك على هامش إقامة حفل افتتاح بعض المنشآت الجديدة داخل النادى، وفى مقدمتها حمام السباحة الكبير والحمام الأوليمبي وجيمانزيوم السيدات.
وقال مرتضى منصور: "النهارده كان المفروض نفتتح النادي النهرى لكن المحافظ واخد موقف، وبقوله إحنا معانا موافقة بسور طوله 5 متر وإحنا بنينا سور طوله 3 متر ومش عارف ليه الموقف اللى متاخد ضدنا، والموضوع حاليا معموله طلب إحاطة في مجلس النواب".
وأضاف رئيس الزمالك: "تسلمنا النادى وخزينته مافيهاش جنيه دلوقتي عندنا ملايين وبقول للجماهير تطمن وكل أحلامهم مجابة".
وتابع تصريحاته قائلا: "حمام سباحة السيدات المكان الوحيد اللي في نادي الزمالك الخالي من الكاميرات، والخميس المقبل هنفتتح النادي النهري بالسور".
