حديث لم ينشر.. سمير صبري يروي قصة فنانة كبيرة قدمت تنازلات حتى أصبحت نجمة |فيديو
كشف الفنان الراحل سمير صبري، خلال حديث له لم يُنشر قبل، ببرنامج "بالخط العريض" المذاع على قناة "الحياة"، قبل وفاته، قصة فنانة حالية قدمت تنازلات حتى حققت الشهرة والنجومية.
بداية قصة الفنانة
وقال سمير صبري: "لو رجعنا زمان قبل ما تبقى بطل حكايتنا نجمة كبيرة اليومين دول، كنت قاعد في محل مع بعض الأصدقاء وفجأة جاءت واحدة لابسة تقريبًا مايوه وصدرها عاري وجلست جنبي وقالتلي أستاذ سمير عايزة أخد رأيك في حاجة مهمة تتعلق بيا قلت لها خير أؤمري فقالت لي أنا غاوية فن وعايزة أمثل إنما خوفوني من الفن وقالولي أنى علشان أمثل لازم أعمل تنازلات".
نصيحة سمير صبري
وتابع: "سألتها عن التنازلات فقالت مش هقدر أقول، قلت لها اوعى تعملي تنازلات هم العظماء في الفن عملوا تنازلات هي أم كلثوم وفاتن حمامة وماجدة وشادية سميرة أحمد عملوا تنازلات محصلش ووصلوا".
رقص النجمة وتقديمها تنازلات
وأضاف: "قالتلي متشكرة أستاذ سمير أصل الحكاية اللى هينتج المسلسل عايزني أسافر بيروت أصور معاه، فقلت لها اوعي تسافري وحافظي على نفسك، وهي بتتكلم أنا باصص للمايوه اللى لابساه وقلت ربنا يسامحني ومتمعلش تنازلات وقالتلي نصيحة غالية، وبعدها بكام يوم لي صديق كلمني وقاللى نروح حفلة لأحد أصدقائنا فدخلنا عمارة طويلة للدور الـ18 وفتحنا باب الأسانسير فلقينا كورديور صغير يؤدي إلى باب الشقة والكورديور فيه 3 كابلز 3 رجالة و3 بنات بيبوسوا بعض، ودخلنا الشقة دوشة وزحمة وهيصة ودخان طالع من الشقة وفي ركن من الأركان ترابيزة عالية لقيت واحدة حافية فوق الترابيزة وبترقص رقص بلدي ولبسها عاري فكانت البنت اللى جاتني وقعدت معايا ولما شافتني قالتلي مقدمتش لحد دلوقتي تنازلات، وبعدين أنا مشيت خوفا من بوليس الآداب".
