خالد الجندى: لهذا السبب لم يخبر جبريل النبى بهزيمة أُحد | فيديو
قال الشيخ خالد الجندى، عضو المجلس الأعلى للشئون الإسلامية، ان الصحابة كانوا مع النبي محمد صلى الله عليه وسلم، فى حصار شعب ابى طالب، صبروا لان كان عندهم عقيدة وان الأمر خارج عن إرادة النبى واختبار وابتلاء من الله عز وجل.
وتابع الجندى، خلال حلقة برنامج "لعلهم يفقهون"، المذاع على فضائية "dmc"، مساء اليوم الأحد: "السيدة عائشة تقول كان يمر علينا الهلال والهلال ولا يوقد فى بيتنا نار، دى زوجة سيدنا النبى اللى كان بينزل عليه الوحى، فى البيت، ليه مكنش بيقول له مفيش صرفة، كذلك السيدة العذراء مريم وكانت فى حالة نفاس ربنا بيقول لها وهزى إليك بجزع النخلة، كان ممكن سيدنا جبريل يجيب بها التمر، لكن الله يقول لك السببية لازم تعمل عشان يجى لك رزقك".
وأضاف: "فى غزوة أحد قتل ٧٠ صحابيا، وسيدنا النبى محمد، أصيب، طيب سيدنا جبريل لم يخبره ويحذره بالهزيمة، لكن ده كان درس لان للمسلمين خالفوا اوامر النبى محمد صلى الله عليه وسلم".
كما فسر الشيخ خالد الجندى، ما يحدث فى العالم كله من أزمات، بالابتلاء من عند الله سبحانه وتعالى، مستشهدا بقول الله تعالى فى كتابه العزيز: "وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ".
وتابع الجندى، خلال حلقة برنامج "لعلهم يفقهون"، المذاع على فضائية "dmc"، مساء اليوم الأحد: "القرآن الكريم صادق وقال فى ابتلاء وجوع ونقص فى الانفس، وده مش تبشير بأنك هتموت من الجوع وتاكل ورق الشجر مش زى ما القطيع فهم، احنا بنقول لازم الكلام ده يكون فى حساباتك، وهذا الكلام لا يتعارض مع كلام سيدنا النبى والذى قال فيه اخشوشنوا فإن النعمة لا تدوم، يبقى خلى بالك هتصرف ما فى الجيب مش هيجت تانى، دوام الحال من الحال".
واستكمل: "الرزق ليس له علاقة برضا الله، ممكن تلاقى ملحد وعنده أموال قارون، وتلاقي مؤمن مش لاقى يأكل، فى كل الأحوال النعم لا تدوم، خد القرآن نهى عن الإسراف والتبزير، لهذه الاسباب، وهى زوال النعم"
