رحمة أحمد: قبلت دور مربوحة لما زوجي قالي إنتي فاكرة نفسك إلهام شاهين علشان ترفضي

قالت الفنانة رحمة أحمد: "عشت قصة حب أسبوع ثم تزوجت من زميلي في الكلية، وزوجي كاتب ويحب المسرح ويدعمني دائما".

الخوف من دور مربوحة

وأضافت رحمة أحمد: "أنا كنت خايفة من دور مربوحة، وكنت عاوزة أرفض وجوزي شجعني وقاللي اقبلي الدور هو إنتي فاكرة نفسك إلهام شاهين علشان ترفضي".

زوج رحمد أحمد

من جانبه قال أحمد منصور زوج رحمة أحمد، خلال حديثه ببرنامج “كلمة أخيرة” الذي تقدمه الإعلامية لميس الحديدي بقناة “أون إي”:"طلبت منها البقاء في مصر من أجل التمثيل، وقولت لها أعملي اللي عليكي والباقي على ربنا، قولت لها هتنجحي وتطلعي مع لميس الحديدي".

وكشفت الفنانة رحمة أحمد بطلة شخصية "مربوحة" بمسلسل الكبير أوي 6، في تصريحات سابقة:"اتحسدت بعد مهرجان المزاريطة وخدت عين وكان نفسي تيجي في العترة بس تحويشة المسلسل جت فيا".
 

عملية المرارة 

وتابعت: "عندي حصوات على المرارة وكان المفروض أدخل  أعمل  عملية المرارة، بس لسه محتاجة أظبط شوية تحاليل وفيه شوية مشاكل في الكلى وخلال الأيام المقبلة هعملها".
 

أصعب دور لرحمة أحمد 

ومازحت رحمة أحمد، لميس الحديدي، قائلة:"اتحسدت بعد إطلالتي بمهرجان المزاريطة السينمائي الدولي"، مشيرة:"أصعب حاجة في المسلسل كانت العترة طبعا".

وقالت الفنانة رحمة أحمد في نفس المداخلة: “لما شوفت الفنان أحمد مكي وهو بيتكلم خوفت.. وكنت عايزة أتف على نفسي بسبب لهجتي مقارنة بيه”.

إفيه مسلسل الكبير أوي 6

وتابعت: "نسبة الـ40% ليكرا مش عارفة مين حطها.. كانت مكتوبة على الورق".

ضغط تصوير الكبير أوي 6

وأضافت: "طول الوقت كنت حاسة أني مضغوطة في الشغل وطول الوقت كنت عايزة أروح، وأول ما أتعرض عليا الدور كنت قلقانة وزوجي اللى شجعني".