عمرو مصطفى يبكي متأثرا بوفاة والدته: مسمعتش كلامها|فيديو

بكى الفنان عمرو مصطفى، متأثرا بوفاة والدته، قائلا:"لما بفتكرها بتعب، قالتلي متشتغلش مع ناس معينة وكنت بشتغل معاهم ومسمعتش كلامها".

وصية والدة عمرومصطفى

وتابع خلال الجزء الثاني من لقائه ببرنامج "حبر سري" الذي تقدمه الاعلامية اسما ابراهيم بقناة "القاهرة والناس":"بعد وفاة أمي حسيت انى لازم اسمع كلامها اللى كانت بتقولهولي، مكنتش بعمل معظم كلامها، تقولي بص لنفسك ومسمعش كلامها ولكن اللى هاعمله الفترة الجاية تنفيذا لوصية أمي".

عمرو مصطفى يؤدى العمرة لوالدته 

وأضاف:"أول رمضان يعدي عليا من غير أمي وهي كانت أجمل حاجة في حياتي وقررت اعملها عمرة، ولكن اللى جاي هيكون حاجة قوية تنفيذا لوصيتها".
 

قرار حاسم لعمرو مصطفى

وأكمل:"انا هافضل أعمل الخير للناس اللى تستاهله ولكن مش هاعمل الخير بدون مقابل، وانا مش مغرور ولكن أنا اديت كتير ومحدش رد لي الخير بالخير ".
 

وكشف الفنان عمرو مصطفى، في الجزء الأول من نفس اللقاء:"مش صحيح إنى عامل بلوك لملحن علشان قريب من عمرو دياب، والحقيقة أنا عامل بلوك للمطرب نفسه".

اسم عمرو دياب

وتابع:"أنا مش واخد بالي من اسم عمرو دياب، وبحب اتكلم عن نفسي بس".

مسح تاريخ عمرو دياب

وأضاف:"بقالى سنتين نسيت الناس كلها ومبقتش حتى افتكرهم لا بحلو ولا بوحش، ونسيت تاريخي مع عمرو دياب ومش عايز اتكلم عنه وياريت امسح تاريخي معاه".
وكشف الفنان عمرو مصطفى، في نفس اللقاء، حقيقة تعاونه بألحانه مع مطربين اسرائيليين، مؤكدًا أنه من المستحيل أن يقدم أحد ألحانه لأي مطرب اسرائيلي.

طلب مطربين إسرائيليين

وأوضح:"طلعت في جريدة الأهرام وهاجمت المطربين الإسرائيليين اللي سرقوا مني من الأغاني، والكلام ده من 14 سنة، وهما طلعوا في برامجمهم وقالوا نفسنا نتعاون معاه بس مستحيل اتعاون مع الإسرائيليين".\

أغنية بشرة خير

وتابع الفنان عمرو مصطفى:"مستحيل عمرو مصطفى اللي عامل "بشرة خير" انه يتعاون مع اسرائليين في تلحين الأغاني".