انتصار لمحمد رمضان: أنت مش نمبر ون وكفاية كلام عن حياتك الخاصة | فيديو
نصحت الفنانة انتصار، الفنان محمد رمضان بالتوقف عن الحديث عن حياته الخاصة، وأنه ليس نمبر وان، قائلة: "علاقتي بمحمد رمضان قوية وعمره ما يزعل مني ومفيش حاجة ممكن تلوثها، وأنا بمثل له حاجة مهمة وهو يمثل لى ذكرى جميلة".
وأضافت خلال لقائها ببرنامج "العرافة" المذاع على فضائية "المحور": "محمد رمضان في بداية حياته الفنية أثناء عمله في مسرح البالون، وفي أول لقاء جمع بينتا فقلت له: أنت عايز إيه يا حبيبي، فقال لي: أنا بدور على شغل في المسارح، وطلبت من المخرج الراحل محسن حلمي أن يعطيه فرصة التمثيل أمامه فوافق، فوقف محمد رمضان وقال أنا هأقلد أحمد زكي وبالفعل قلده كويس جدًّا".
وأوضحت: " التقينا في إحدى دورات مهرجان القاهرة السينمائي وتقابلت مع محمد رمضان وفكرني بالموقف"، مؤكدة: "التعالي ليس من صفاتي، وشخصية طيبة جدًّا، ولما أقول أنا النجمة فهذا حقي، لأني بشتغل منذ 20 سنة فن، ولما آجي أقول إنني مشهورة يصفوني بأني متعالية".
وتابعت: "لا أندم على ما فاتني، وأحرص على النظر إلى الأمام بشكل مستمر، أنا مش بخاف، وبخاف من ربنا، وأنا دايمًا في معارك، ما ينفعش تبقى بتشتغلي وما تتخانقيش، أصل احنا مش ملاك بجناحين، واللي مش بيتخانقوا معندهمش طلبات أو سلبيين ولا يأملون إلى الأحسن والأجود".
