يوميات صايم.. حلقة رقم (5).. نكاح الجهاد "وهم إخواني" !

صايم يدخل بيته وهو يجري مقطوع النفس..
الزوجه تتخض مالك ياصايم فيه إيه رد على ياراجل.. رد طب فيه حد جاي وراك اقفل الباب
صايم يزعق: ايه بالعة راديو اصبري شويه آخد نفسى الله يحرقك ويحرق اللي يسمع كلامكم تاني
الزوجة تحط يدها على قلبها ياساتر وقعت قلبي والله انا قلت أن خلاص صايم ضاع مني
صايم هامسا: قلبك دليلك والله شكلك بتاعة ربنا لكن اعمل ايه العين بصيرة لازم اتخلص منك لأنك هتكوني سبب نكدي في مشروعي الجديد اللي هبني عليه مستقبلي
الزوجة: بتفكر في ايه يا صايم
صايم: لا جهزي شنطة هدوم بسرعة
الزوجة متعجبة: ليه هو انت مسافر
صايم: آه لو تبطلي رغي تبقي هايلة لكن بعد الشر انت تبطلي رغي أبدا !
الزوجة: انت مالك النهاردة يا صايم مش طايق لي كلمة ليه هو انا عدوتك ولا ايه ؟
صايم بصوت واطي ليه بتقولي كده ده انتي حببتي قومي حضري الشنطة
الزوجة: رايح فين
صايم: رايح رابعة
الزوجة: روحت سليم جيت جربان وبعدين ايه الجديد وبعدين انت قلت انك رايح التحرير صح ؟
صايم مبسوط وضاحكا: لا رابعة أحلي وبعدين التحرير قاعد هيروح فين لكن رابعة ممكن يغيروا رأيهم وبعدين حاجة ببلاش كده يعني الواحد يقعد شهر ينسي النكد كله صح ؟
الزوجه مستغربه:مش فاهمة حاجة خالص 
صايم: وانتي من إمتي بتفهمي قومي حضري الشنطه الله يهديك بارك الله فيكي جزاكي الله خيرا مش الإخوان بيقولو كده على طول؟
الزوجه "لا الموضوع فيه إنّ ولازم اعرف إنّ دي
صايم: عشان ترتاحي انا رايح رابعة عشان انكح نكاح الجهاد الحمد لله ربنا يسرها لينا 
الزوجة في زهول: نكاح ايه وانت من امتي مع الإخوان كله ده عشان نكاح الجهاد تبيع نفسك 
صايم منفعل وزعلان جدا: ده انا ابيع ابويا قدام نكاح الجهاد، وياخد الشنطة ويمشي
الزوجة: تلطم وتصرخ: راح صايم، صايم راح، حد يرجعه
_وفجأة_ هي دي _وتلبس عباية ونقاب وتروح وراه رابعة وتبلغ الإخوان أنه من التحرير وجاي رابعة عشان نكاح الجهاد
واحد إخواني: الحمد لله الذي هداه
الزوجة: ياعم بقولك هو مش تبعكم ده جاي عشان المزز فهمت ولا ايه ؟
إخواني: هذا بداية الطريق الصحيح
الزوجة تلطم: يا نهار اسود جوزي راح مني.. صايم..وتنادي عليه
صايم يخرج ومعاه فتاة منقبة زوجته زواج النكاح
الزوجة: مين دي؟
صايم: مراتي اخلعي النقاب خليها تعرف الفرق خليها تتأكد انها اخويا وصاحبي 
الزوجة: مبروك يا صايم مبروك يا عروسة وتخلع النقاب والزوجة تضحك وتضرب كف بكف الزوجة الجديدة وحشة جدا جدا
صايم يشوفها يلطم: مين مين انت.. جايباها معاكي عشان اتخض صح ؟
الزوجة: لا عيب عليك خليك مع مراتك يا صايم ألف مبروك يا حبيبي
وصايم يقول يا فكيك ويجري على التحرير وهو يقول: رابعة ضحكت على، رابعة ضحكت على، نكاح الجهاد وهم إخواني اوعي حد ييجي رابعة تاني !