ليلى غفران: قالوا إني أعرف قاتل بنتي وتضايقت من تحويل قضيتها لمسلسل |فيديو
![ليلى غفران](images/no.jpg)
كشفت الفنانة ليلى غفران، عن الشائعة التي طالتها عقب حادث مقتل ابنتها هبة العقاد، والتي لم تستطع أن تسامح بها أحد قائلة: "إنتو لو جربتوا وحصلكم اللي حصوا هتحسوا باللي جوايا، أنا وقت وفاة بنتي الله يرحمها طلعت شائعات بتقول إن ليلى غفران تعرف قاتل ابنتها وساكتة".
وأضافت ليلى غفران خلال لقائها في برنامج "وشوشة" المذاع على فضائية النهار،:"أنا كنت أريد أن أصرخ أو أموت، كانوا بيقولوا الكلام ده بقلة أدب مش سؤال ونجيب عليه وخلص لكن وصل الأمر لقلة الأدب فمنهم لله".
وفيما يتعلق لما أثير حول تحويل قصة مقتل ابنتها هبة إلى مسلسل وهو مسلسل ابن حلال بطولة النجم محمد رمضان، قالت ليلى غفران:"اتضايقت إنه اتعمل مسلسل واللي يمكن هداني في الموضوع إن كل الممثلين قالوا إن الموضوع مالوش علاقة بالقضية".
وفي وقت سابق قالت الفنانة ليلى غفران في لقائها ببرنامج كلام الناس: "بحب أقعد ألعب مع أحفادي من بنتي نغم، وبتحول معاهم إلى طفلة، وبحب أقيس ذكاءهم من خلال بعض اللعب".
صورة ابنة ليلى غفران
وأضافت خلال لقائها ببرنامج "كلام الناس" المذاع على قناة "إم بي سي مصر": "صورة بنتي هبة، الله يرحمها محتفظة بيها في الشنطة ومبتفارقنيش بس دايمًا بتكلم عليها كأنها موجودة".
تسجيلات هبة
وتابعت: "مبقدرش أسمع صوتها في التسجيلات الموجودة ليها على الموبايل لكن سبحان الله أنا دايما أحس أنها عايشة معايا".
وقالت الفنانة ليلى غفران: "كان نفسي أجيب عيال من غير جواز لأن كل زيجاتي غير موفقة، وعلشان أنا طيبة زيادة عن اللزوم مكنش فيه نجاح لزيجاتي".
تعرض ليلى غفران للخيانة
وتابعت خلال لقائها ببرنامج "كلام الناس" المذاع على قناة "mbc مصر": "خلال زيجاتي مكنتش بحب الغلط وكنت أتغاضى مرة واتنين ولكن بعد كده مبسكتش، وتعرضت للخيانة من وريا وشوفت بعيني كمان، وفيه خيانة سامحت ولكن مقدرتش استحمل من جوايا".
رفض ليلى غفران الزواج
وأكملت: "الجواز عاملي اكتفاء ذاتي ومش عايزة أعيش مع حد، وما زال فيه ناس بتتقدم ليا للجواز بس أنا خلاص اكتفيت، وكان فيه حد متقدملي قريب بس أنا عاجبني حالي لوحدي".
زيجات ليلى غفران
وأكدت ليلى غفران: "اتجوزت 5 مرات بس منهم جوازات باعتبرهم مش جوازات لأنها عدت مرور الكرام، ومن كتر جوازاتي نسيت أسامي اللى اتجوزتهم، والست المغربية قادرة تتأقلم مع كل الظروف والأحوال سواء ربة منزل أو عاملة أو زوجة أو صديقة وناجحة في كل شيء".