بسبب لقب "نجمة مصر الأولى".. رد قاس من نبيلة عبيد على منى زكي
دافعت الفنانة نبيلة عبيد، عن لقبها "نجمة مصر الأولى" بعدما منح الفنان أحمد السعدني اللقبَ لـ"منى زكي وياسمين عبد العزيز" بدلًا منها.
نجمة مصر الأولى
وقالت نبيلة عبيد خلال مداخلة هاتفية ببرنامج "حضرة المواطن"، الذي يقدمه الكاتب الصحفي سيد علي بقناة "الحدث اليوم": "هي نجمة مصر الأولى مجتش من فراغ جت من 98 فيلما، وكل فيلم فيه شخصية مختلفة، وتعامل مع الكبار وحيد حامد ومحمود أبو زيد ونجيب محفوظ وإحسان عبد القدوس".
تضحيات نبيلة عبيد
وأضافت: "كنت أمشي في الشوارع ألاقي اسمي التالت أقول لأ هيبقى الأول، وضحيت كتير جدًا علشان أخلي اسمي زي ما هو دلوقتي".
ولفتت: "لقبي معروف من زمان، ومش محتاجين نغيَّره والتاريخ اللي عملته والتضحيات بتاعتي، وكان بيجي عليا أيام مش بنام".
مسلسل الاختيار وياسر جلال
وأشارت: "أنا بتفرج على مسلسل الاختيار 3 وفيه دور مهم، واللي عامله ياسر جلال مهم ومقنع جدًّا، وأنا أهنئ العمل كله والإخراج".
أجر نبيلة عبيد
ولفتت: "كان أجري 2000 أو 3000 آلاف جنيه، ومشوفتش الملايين، وسعاد حسني أكبر أجر أخدته زي ما سمعت كان 3 آلاف".
مذكرات نبيلة عبيد
وأكدت: "هعمل المشوار الفني إزاي بدأت، وإزاي كانت رغبتي أكون ممثلة، وأحكي اللي مريت بيه وكل حاجة عيشتها، وده هيفيد الأجيال اللي موجودة وأنا اللي هارويه بنفسي، وأنا أول ما قال هنام بدري علشان عندي شغل الصبح بدري، وأكون أول واحدة في إستديو التصوير".
