"عايزين يموتوني".. هالة سرحان تكشف أكثر موقف صعب في حياتها | فيديو

كشفت الإعلامية هالة سرحان، عن أصعب موقف مرت به في حياتها، لافتة: "كنت بعمل حلقات عن السحر والشعوذة وهي ثقافة منتشرة في كل البلاد العربية والثقافة الشرقية وقلت هعمل حلقات تنويرية وأعلم الناس وأجيب المشعوذين وأفضحهم أمام الكاميرا بإنهم كدابين وفشارين".

حلقة السحر والشعوذة

وتابعت خلال الجزء الثاني من لقائها ببرنامج "حبر سري" الذي تقدمه الإعلامي أسما ابراهيم بقناة "القاهرة والناس": "واحنا بنعمل حلقة عن المشعوذين في سينما ريفولي وكان بنسجل والناس كانت بتيجي بشكل فظيع، وكنت جايبة مشعوذ وشيخ من الأزهر وطبيب نفسي ووزير بحث علمي وناس تقيلة يقولوا إن السحر والشعوذة ضحك على دقون الناس وبياخد فلوسهم، أتاري المشعوذ جايب معاه من البلد 4 أتوبيسات مقعهدهم في الصالة وأنا عمالة أهاجمه وبيقول بطلع العفريت من صباع الرجل الكبير فقلت له بلاش تخاريف وفجأة لقيت ناس من الصالة رمالوا رجالة على الأرض وعاملين يعملوا تصرفات هبلة، فقلت له أنت جايب كومبارس خايبين واتريقت عليه وخلصت الحلقة وأنا منتصرة على المشعوذ، ولكن معرفتش أخرج من باب السينما الجماهير بتاعت المشعوذ عايزين يموتوني علشان أنا مش مآمنة بيه وأنا بسخر منه".

ثقافة المجتمع الشرقي

ولفتت :"المشعوذ خرج من عندي والإقبال عليه كبير والناس عايزة تتواصل معاه وده جزء من ثقافة شرقية".

هالة سرحان: فيه ناس عندها غل وغيرة من نجاح محمد رمضان | فيديو

خافوا من الكاميرا.. هالة سرحان تكشف كواليس دعمها للإبراشي ومحمود سعد على الشاشة | فيديو

وقالت الإعلامية هالة سرحان في نفس اللقاء: "محمود سعد قلمه حلو وكان شغال في الإعداد معايا ولما قلتله عايزاك تطلع معايا على الشاشة خاف وقال أنا صحفي ومطلعش على الشاشة فقلت له سجلنا 15 حلقة وراح سجل أول حلقة وقال أنا مش حاسس إني أقدر على الشاشة وأول حلقة كانت مع يوسف شاهين ونزلنا البرومو تاني يوم لقيت محمود جاي راسه فوق وبيقولي كل الناس في الشارع بيتكلموا عني وانا بقيت نجم يا دكتورة فقلت له اعملنا 30 حلقة".

أول ظهور لوائل الإبراشي

وتابعت: "وائل الإبراشي كان مختلف عن محمود سعد، كنت قررت ترك القناة وقت لما كنت بعمل برنامج سياسي خطير وقت حرب الخليج اسمه "الحقيقة" وجالي تهديد بالإغتيال من صدام حسين لإني قلت عليه ديكتاتور في وقت ان كل الصحافة في العالم كله بتقول عليه الراجل المظلوم الغلبان ودلوقتي مش عارفين من المظلوم من الظالم بعد وفاته.

"فقلت لوائل انا عايزاك تقدم البرنامج قاللى لأ، وتاني يوم الصبح قلت له هتطلع ضيف معايا في الحلقة وقلت بيقدم الحلقة معايا النهاردة وائل الإبراشي وحطيته قدام الأمر الواقع وبقى يسأل وانطلق، وتاني يوم مروحتش الأستديو وقلت له انا عملت لك إعداد وانت المذيع وبقى أصبح من أهم الوجوه على الشاشة ".
 

عمالقة الإذاعة المصرية

وتابعت: "اتمرنت علي يد عمالقة الإذاعة المصرية وأنا بنت ماسبيرو، وكنت مبهورة بيهم، فازاي انا أخدت كتير منهم وأنا لا أعطي الجيل الذي جاء بعدي".