أحمد فلوكس مهاجما هادي الباجوري وإلهام شاهين: الحلال بيِّنٌ والحرام بيِّنٌ|فيديو
هاجم الفنان أحمد فلوكس، تصريحات المخرج هادي الباجوري بشأن قبوله تقبيل زوجته في الأفلام وتجسيدها للمشاهد الساخنة.
حرية هادي الباجوري
وقال أحمد فلوكس خلال لقائه ببرنامج "حبر سري" الذي تقدمه الإعلامية اسما ابراهيم بقناة "القاهرة والناس": "هادي الباجوري عنده الحرية يعمل اللى عايزة في حياته الخاصة إنما مينفعش يقولها على الشاشة لأنه كده عايز يخلى الناس زيه".
الحلال والحرام
وأضاف: "الحلال بيِّنٌ، والحرام بيِّنٌ والحق كذلك".
تصريحات إلهام شاهين
وتابع: "لم أهاجم الهام شاهين إلا لما قالت هو المجتمع حصل فيه إيه ما إحنا كنا زمان بنتباس عادي، أنا بحترم الناس لكن بخاف من ربنا اكتر من أي حد، واحترامي للمبادئ والقيم وشكلي وشكل والدي عند الناس".
وأكد الفنان أحمد فلوكس، في نفس اللقاء، اعتزاله التمثيل في مصر نهائيًا، لافتًا إلي أنه خاض التجربة منذ 20 عامًا وبدأ المشوار كومبارس حتي حصل على جائزة أفضل ممثل في الوطن العربي وليس لديه جديد يعطيه.
شركة إنتاج أحمد فلوكس
وأضاف: "أنا مش عايز أمثل تاني وهعمل شركة إنتاج ووقعت مع الناس اللى هيمثلوا".
نجل فاروق فلوكس
ولفت: "رغم إنى ابن فاروق فلوكس إلا أنني بدأت المشوار من الصفر واتعلمت حتى وصلت للبطولة، وأنا معنديش بابا بيعطي أمر وخد وروح اشتغل".
وردَّت الفنانة إلهام شاهين على الفنان أحمد فلوكس بعد تصريحه ضدها "أتمنى تجهزي رد لربنا عن القبلات لما تقابليه".
أهمية أحمد فلوكس
وقالت إلهام شاهين خلال برنامج "العرافة" المذاع على قناة "المحور": "إنتو بتعطوا أحمد فلوكس أكبر من أهميته ومش هارد على أي فنان".
إلهام شاهين محامي الفنانين
وتابعت: "أخدت على عاتقي إن أنا محامي الفنانين، ولكن بقول له متربطش الدين بالفن، وقلت له أنا لو عملت واحدة قاتلة هتقول لي ده ضد الدين ولكن أنا مش ههجمه، ومش هوصل لفكرة الفتنة الفنية".
مشكلة أحمد فلوكس
وأكملت إلهام شاهين: "أنا مش عارفة هو ليه بيهاجمني، ويمكن هو عايز يركب التريند لأن الأضواء بعدت شوية، أو يلفت النظر، والغريبة أنهم قالوا لي أنه اعتزل فلما أنت اعتزلت وبقيت بعيد ليه تهاجمني، وقالوا لي أنه نفسيًّا مش مظبط، وبقول له الله يكون في عونك وبيصعب عليا الفنانين، وهو صعبان عليا بجد، ولو تعبان من أي حاجة ربنا معاه".
