حسن يوسف: كوب ماء الشيخ الشعراوي غير مجرى حياتي.. وهذا رده على نية شادية حرق أموال الفن
قال الفنان حسن يوسف: "الشيخ الشعراوي لم يطالبني باعتزل التمثيل، لكنه أوضح لي الفن الهادف الحلال من الفن الحرام".
الفن الحلال والحرام
وأضاف خلال لقائه ببرنامج "كلام الناس" المذاع على قناة "MBC مصر": "كنت قاعد مع الشيخ الشعراوي وأشار لي على كوب وقال لي هذا الكوب ممكن يكون فيه شاي وتشربه فيكون حلال وممكن يكون فيه خمرة ويبقى حرام".
نصيحة الشعراوي
وتابع: "الشيخ الشعراوي قاللي حاول تعمل أعمالا فيها حاجة طيبة، وكان نصيحته اعمل شغل عن أئمة الإسلام، وبدأت السلسلة بمسلسل إمام الدعاة فالناس في العالم كله أقبلت على المسلسل بشكل فظيع لم أكن أتصوره وده بركة الشيخ".
مسلسل هدى سلطان
ولفت: "الشيخ الشعراوي مرة دخلت عليه لقيته بيتفرج على مسلسل للفنانة هدى سلطان وقاللى استنى أنا مركز الست جوزها مات وعايزة تتجوز وولادها رافضين ماتتجوز على سُنة الله ورسوله".
اعتزال شادية ووصية الشعراوي
ولفت: "لما الفنان شادية راحت للشيخ الشعراوي وقالتله هحرق فلوسي اللي جيبتها من التمثيل فقالها وهتعيشي منين هتشحتي وتتسولي فقالها خلي جزءا من الفلوس معاكي تسترك وجزء اتبرعي بيه وفعلًا عملت مسجد".
وسطية امام الدعاة
واختتم: "الشيخ الشعراوي مكنش متشددا، ولا سبب في موجة الإرهاب، وظلموه وهو كان إمام الوسطية".
وقال الفنان حسن يوسف في نفس اللقاء: "عرفت الشيخ الشعراوي أكتر لما روحت أفطر معاه في رمضان، وكنت قاعد جنبه متلبش ولقيته لذيذ وطيب وحلو، وقعدت طول الليل أسأله بعد لما صلينا التراويح، وقلت له أنا اتشعبطت في الجلابية يا مولانا فقالي اتشعبط براحتك".
موقف الشعراوي من مسلسله
وأضاف: "تعلمت من الشيخ الشعراوي لما حد يطلبك لازم ترد، وبقيت ضمن موردينه، وجيت قلت له يا مولانا أنا عايز أعمل مسلسل عن حياتك قاللى لو عملت عن حياتي هنختلف استنى لما أموت اعمل اللى انت عايزه وفضلت في دماغي الفكرة".
زيارة شمس البارودي للشعراوي
ولفت: "أنا كنت أحضر دروسه لحد آخر أسبوع في حياته، وهو ليس سببا في اعتزال شمس البارودي إلا آخر أسبوع في حياته لما عرفت أنه مريض، وزارته ودخلت عليه وسلمت عليه وباست ايده وقالها ادعيلي يا بنتي إنتي متعرفيش مقام التقبيل عند الله كبير أوي".
