كنت هتجوزها ولسه بحبها..عمرو زكي يكشف علاقته بفنانة أثارت جدلا في عيد ميلادها | فيديو

قال عمرو زكي، لاعب نادي الزمالك ومنتخب مصر السابق: "كنت مرتبطًا بصاحبة منة فضالي، وهي ممثلة أيضًا، وكنت حاضرًا عيد ميلادها الذي أثار الجدل".
 

صديقة منة فضالي

وأضاف خلال لقائه ببرنامج "سابع سما" الذي تقدمه الإعلامية راغدة شلهوب بقناة "النهار": "أنا معنديش مشكلة في إخفاء أي شيء، والممثلة اللي هي صديقة منة فضالي فنانة مشهورة، ولبست الحجاب علشان خاطري، وأنا لسه بحبها علشان هي بنت جدعة".

ارتباط عمرو زكي 

وتابع: "أنا مش ضد التمثيل لأني مش ضد الفن ولا الموهبة، وأكتر حاجة بحبها الإنسان اللي بيشتغل على نفسه وعنده طموح، وأنا كنت موافق على بقاء صديقة منة فضالي في التمثيل لما نتجوز، وهي اتنازلت عن حاجات كتيرة جدًّا، وحاولت تقرب ليا وده اللي خلاني ارتبط بيها، ولحد دلوقتي أهلي بيكلموها، وأنا بحترمها لأنها بتشتغل وشايلة أهلها".
 

مشكلة عمرو زكي مع الممثلات

وأردف عمرو زكي: "والدتي بتحبها جدا، وكانت بتقف معها وتطبخ في رمضان، وإحنا مش رافضين البنت علشان حياتها لكن أنا راجل شرقي مش عايز الست اللي اتجوزها تشارك في مشاهد فيها قبلات أو مشاهد ساخنة".

عمرو زكي: أبويا خلاني أمضي على ورقة طلاقي من مراتي بدون علمي|فيديو

عمرو زكي: مفيش لعيب كرة مبيعرفش بنات وعنده علاقات|فيديو

وقال عمرو زكي نجم منتخب مصر ونادي الزمالك السابق، في حديث سابق: "ممكن أعيش مع ست بدون زواج، ومعنديش مشكلة، وأنا مرتبط دلوقتي".

العمل في النادي الأهلي

وتابع خلال الجزء الثاني من لقائه ببرنامج "العرافة" المذاع على قناة "المحور": "لا يمكن أن أعمل في النادي الأهلي".

طليقة عمرو زكي

وأضاف: "لا يمكن أصالح مراتي الأولى واتجوزها من أول وجديد لأنها رفعت عليا قضية وطلعت هاجمتني، أما مراتي التانية فممكن أرجعلها وأنا بعتبرها بنتي التالتة".

كرامة عمرو زكي

ولفت: "ممكن أعيد تجربة التمثيل، وأنا بطبيعتي إنسان مسالم بس إلا الكرامة أو أن حد يتكلم في أعراض معايا، وممكن أموت واحد لو جاء على كرامتي خاصة في مسألة الأعراض".

دعم الخطيب

وأكد: "أقف في صف الكابتن محمود الخطيب رئيس النادي الأهلي ضد الكابتن مصطفى يونس، وكلنا بنحب الخطيب وحسن شحاتة".

وقال عمرو زكي نجم منتخب مصر ونادي الزمالك السابق: "عندي شركة بترول، واتنصب عليا في 42 مليون جنيه".

تعرض عمرو زكي للنصب

وتابع: "الفلوس اللي اتنصب عليا فيها وحياة رحمة أبويا لأرجعها".

مطعم وكافيه عمرو زكي

وأشار: "أمتلك منذ عام 2008 مطعمًا وكافيه، وحالتي المادية جيدة، وأعيش في فيلا، ولا صحة لما يتردد حول أني أعيش في عمارة".