حمو بيكا: عندي مرض بيخليني أرجع دم.. وباخد حقنة بـ20 ألف جنيه|فيديو
كشف مؤدى المهرجانات حمو بيكا، تفاصيل حالته المرضية، مؤكدًا أنه يعاني من مرض مناعي خطير وليس بالسهل.
جهاز مناعة حمو بيكا
وأضاف خلال الجزء الثاني من لقائه ببرنامج "حبر سري" الذي تقدمه الاعلامية اسما ابراهيم بقناة "القاهرة والناس":"جهازي المناعي المفترض بيهاجم أي بكتيريا ضارة ولكن بسبب حدوث به خلل أدى إلى أنه أصبح يهاجم كل اعضاء جسمي من المعدة والمريء والكبد والكلى".
مرض حمو بيكا
ولفت:"طول ما الجهاز المناعي بتاعي بيهاجم اعضاء جسمي أنا بتعب وممكن أرجع دم ويحصلي مشاكل كبيرة في معدتي فباخد حقنة بتهد شوية في جهاز المناعة علشان أقدر أعيش".
علاج حمو بيكا
وأشار:"لو حد جهازه المناعي 50% انا جهازي المناعي 150%، والحقنة اللي باخدها كانت أول مرة بـ 120 ألف جنيه، وكل شهرين باخد حقنة بـ 20 ألف جنيه".
مرض الشهرة
وتابع:"المرض جالي بعد الشهرة وممنوع اني اكل مسبكات أو حوادق أو جبن أو اشرب لبن، والمفروض اعيش علي شوربة الخضار وشوربة لسان العصفور، وللأسف الناس بتتريق عليا ومش عارفين حاجة وبطني الكبيرة دي من المرض انا اصلا رفيع أرفع من حسن شاكوش".
وكشف مؤدي المهرجانات حمو بيكا، حقيقة تواصله مع الفنان أكرم حسني، للتنازل عن قضية السرقة التي أقامها ضده بسبب لحن أغنية "بالباقي لبان".
لحن أغنية بالباقي لبان
وقال حمو بيكا خلال لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "أنا ما سرقتش لحن أغنية "بالباقي لبان" واللحن دا بتاع أغنية أجنبي ولو أنا سرقته يبقى هو كمان سارقه".
اللحن الأصلي للأغنية
وتابع: "أنا جبت اللحن الأصلي للأغنية وكلها بتاخد من كله، وأنا سجلت الأغنية قبل ما هو يسجل أغنيته، وأغنيتي عدت مشاهدات أكرم حسني وركبت الترند". وعلق مؤدي المهرجانات حمو بيكا، على حلقته مع الفنان رامز جلال في برنامج "رامز موفي ستار" ولقائه بالنجم العالمي فاندام.
مقلب رامز جلال
وقال حمو بيكا خلال لقائه في برنامج "حبر سري" الذي تقدمه الإعلامية أسما إبراهيم بقناة "القاهرة والناس": ما كنتش عارف ان فيه مقلب مع رامز جلال ولكن كنت عارف إني رايح أصور فيلم مع فاندام".
مقابلة فاندام
وتابع: "قابلت فاندام كأنه صاحبي وعشرة عمر وبايتين مع بعض لأن كده كده مش هيفهمني لو قعدت أكلمه لحد السنة اللي جاية".
وأضاف: "فاندام حبيبي وعشرة عمر وكنت بتفرج على أفلامه كلها، وأنا بعشق رامز جلال وبحبه وهو قال كلام سخرية عليَّ بس عادي ما زعلتش".
حزن والدة حمو بيكا
وأشار: "أمي زعلت وعيطت من كلام رامز جلال عليَّ بس أنا فهمتها إن ده مقلب".
مقلب حمو بيكا
وكان مطرب المهرجانات حمو بيكا، أصيب بحالة من الفزع والخوف، خلال استقلاله سيارة “رامز موفي ستار وفان دام” بعد رؤية الكوبرا والثعبان وخوفًا من الانزلاق في بحيرة التمساح.
