بعد توتر العلاقة بينهما.. زوجة أبو جبل تطالبه بإرسال متعلقاتها والانفصال | فيديو
كشف الإعلامي محمد الغيطي، عن طلب ملكة جمال الجزائر زوجة محمد أبو جبل حارس مرمى منتخب مصر ونادي الزمالك، بعد توتر العلاقة بينهما.
قضية زوجة أبو جبل
وقال "الغيطي" خلال برنامج "تقدر مع الغيطي" المذاع على قناة "الشمس": "زوجة محمد أبو جبل بتقول أنها عايز تخلص من قضيتها معه وتنفصل".
طلب سمارة يحيى
وأضاف: "زوجة أبو جبل سمارة يحيى قالت أنها بتطالبه بأن يرسل لها الجوابات، ويخلص الأشياء المتعلقة بينهما".
وكشف محمد أبو جبل، حارس مرمى نادي الزمالك ومنتخب مصر، حقيقة خطبته لابنة مدرب حراس المنتخب عصام الحضري.
بنات عصام الحضري
وأوضح أبو جبل خلال برنامج "كلام الناس" المذاع على قناة "إم بي سي مصر": "عصام الحضري معندهوش بنات تتخطب، وشيان بنته عندها 8 سنين ولسه صغيرة".
العلاقة مع الحضري
ولفت: "عصام الحضري على المستوى الشخصي صديق مقرَّب ليا، وبيزعل لما بنقول له يا كابتن، ونفسنا نوصل لحاجة من إنجازاته".
وكشف محمد أبو جبل، في نفس اللقاء، كواليس مشاجرته مع جماهير الفارس الأبيض عقب الخسارة من الوداد المغربي.
مشاجرة أبو جبل مع جماهير الزمالك
وأوضح: "بعد الخسارة من الوداد المغربي اتصور لي خناقة مع الجمهور في الشارع، وكنت حزينًا على اللي حصل، والجمهور كسر لي العربية، واتشتمت بأفظع الشتائم اللي محدش يقدر يستحملها، وواحد من الجمهور وقف قدام العربية مش عايز يتحرك أدوسه؟! مينفعش فنزلت، وقلت حقكم عليا فاتشتمت، وقال لي إنتو لعيبة مينفعش تفضلوا في النادي".
انقلاب الجماهير على أبو جبل
وأكمل: "مش عارف الجمهور قلب عليا ليه من الحارس اللي في السما بعد بطولة أمم أفريقيا، وبعد كده نزلوني في سابع أرض".
وقال محمد أبو جبل، حارس مرمى نادي الزمالك في نفس اللقاء: "أنا باقٍ مع الزمالك، وليس صحيحًا ما تردد عن توقيعي لنادي النصر السعودي".
تنازلات أبو جبل مع الزمالك
وتابع: "أنا ملتزم بعقدي مع نادي الزمالك، وباق في بيتي الأساسي، وقدَّمت تنازلات كتيرة علشان أرجع للزمالك من سموحة، ومنها عقود احتراف ألغيتها كلها".
تجديد عقد أبو جبل
وأكد: "قسمًا بالله ما حصل إنى طلبت مليون دولار في الموسم علشان أجدد مع نادي الزمالك، ومش هغالي على نادي الزمالك، ولما رجعت للنادي وقعت على بياض، بس كان فيه وعد إن عقدي يتغير لما أشارك بصفة أساسية، وأنا كنت جاي حارس تالت والجمهور قال عني دي صفقة فاشلة، ولكن كان عندي إصرار أكون حارس أول، وتفوقت على نفسي وعلى الظروف اللي حواليا ودلوقتي أنا أساسي في نادي الزمالك".
