غادة عبد الرازق: أنا فيا حاجة غلط.. وعزلت من بيتي بسبب العين والحسد |فيديو
كشفت الفنانة غادة عبد الرازق، عن ترك منزلها والمنطقة القديمة التي كانت تعيش فيها بسبب تعرضها للحسد ومشكلات نفسية.
تعرض غادة عبد الرازق للحسد
وقالت غادة عبد الرازق خلال لقائها ببرنامج "كلام الناس" المذاع على قناة "mbc مصر": "مكنتش بصدق في العين والحسد لحد لما شوفت سواد وبقيت أحس أن فيه حاجة مش صح حتي في أسلوبي، وساعات كنت بصحى من النوم مخنوقة ومضايقة وتكويني الشخصي كان فيه حاجة غلط".
غادة عبد الرازق تترك منزلها
وأضافت: "لما حسيت إني محسودة مشيت وهجيت وعزلت من بيتي وغيَّرت العتبة علشان العين والسحر".
وقالت الفنانة غادة عبد الرازق في نفس اللقاء: "مليش حظ في الصحاب، ودايمًا بيخنوني وبيعرضوني لمصايب، والسبب الوحيد اللى يخليهم يعملوا كده أنهم بيغيروا منِّي".
غادة عبد الرازق والوسط الفني
وأضافت: "وقفت جنب ناس كتير في أزماتهم وهما موقفوش معايا بس هما مش فارقين معايا، وعمري في حياتي ما قربت من حد في الوسط الفني، ووقفت مع ناس في وقت الشدة وبعد لما شدتهم انتهت مسألوش فيا ولا عبروني".
نية غادة عبد الرازق
ولفتت: "ربنا يقعدلي نيتي الصافية، وكل الوقعات اللى وقعتها ربنا اللي خرجني منها مش بتوع الوسط الفني اللي وقفت معاهم".
العلاقة مع ياسمين صبري
وأشارت: "مرفضتش تقاسم البطولة مع ياسمين صبري ولكن القصة كانت متعلقة أن الورق مكنش جاهز إلا 3 حلقات، فاعتذرت وأنا بحب ياسمين".
حوت تمثيل
وأكملت: "جسمي بيقشعر لما بيقولوا عليا حوت تمثيل، وبحس أن ربنا أنعم عليا بنعمة كبيرة".
وشاركت غادة عبد الرازق الجمهور مجموعة صور لخطوبة ابنتها، وعلقت قائلة: "تهانينا حبيبتي روحي كل شيء في هذه الحياة.. أتمنى أن تعطيك الحياة القادمة كل ما تريدين لأنك تستحقين.. أحبك كثيرًا".
وفي سياق آخر كشفت الفنانة غادة عبد الرازق لأول مرة عن سبب عدم حضورها المهرجانات المختلفة التي تُقام في مصر.
وقالت "عبد الرازق" أثناء لقاء سابق لها في برنامج MBC Trending: إنها لا تحب التواجد في المهرجانات؛ حيث أوضحت قائلة: "الناس في منتهى الاحترام وبيعزموني.. بس هي تركيبة شخصيات، وأنا مش من الشخصيات اللي تلبسيها وتقولي لها أمشي على الريد كاربت".
