ريهام سعيد: اتقبض عليا بعد ما ولدت بـ20 يوما.. وهذه أصعب لحظاتي في السجن|فيديو
![ريهام سعيد في سجن](images/no.jpg)
قالت الإعلامية ريهام سعيد:"الـ45 يوما اللى اتسجنتهم كانوا درس حياتي وأقوى درس أنا أخدته لإنه غير حياتي".
القبض علي ريهام سعيد
وتابعت خلال لقائها ببرنامج "سابع سما" الذي تقدمه الاعلامية راغدة شلهوب بقناة "النهار":"اتقبض عليا بعد ما ولدت بـ20 يوم ومكنتش عارفة هشوف ابني تاني ولا لأ هارجع البيت ولا لأ وكنت حاسة انه فيلم".
لحظات قاسية لريهام سعيد
وأضافت:"وانا بلم شنطتي وماشية بصيت لإبني وانا برضعه لبن اشتريته من أمريكا لإني ملقتش له لبن معين في مصر وانا مكنتش باعرف أرضع، وقتها عيطت ولكنى كنت راجل أوي".
أول يوم في الحبس
ولفت:"أول ليلة في الحبس الإحتياطي ربنا زي ما يكون بعتلي حد ينيمني ونمت كتير أوي، ومكنتش مصدقة ان ده بيحصل، وتالت يوم في السجن عيطت لما صوروني الصورة بتاعت الحبس لإن صعبت عليا نفسي أوي اَخر حاجة كنت ممكن اصدقها يحصل معايا كده، كنت ممكن اصدق ان يجيلي سرطان أو أي شيء غير انى اتسجن، والحياة بالنسبة لي كانت انتهت".
شعور الخروج من السجن
وأشارت ريهام سعيد:"بعد ما خرجت من السجن بقيت أحمد ربنا علي دخول الحمام، ودلوقتي بيجيلي نوع من الإحباط الشديد بسبب فترة السجن، ولكن بقول ان لو مكنش جه موضوع السجن ده كنت اتدمرت من الاشاعات".
وأكدت الإعلامية ريهام سعيد، أنها حصلت على حكم قضائي ضد الفنانة ريم البارودي، وسيتم نظر تأييد الحكم فى شهر مايو المقبل، متابِعة: "لم أصافح ريم البارودي لو تقابلنا فى أى موقف".
وأضافت خلال لقائها ببرنامج "ورا الشمس"، المذاع على فضائية "الشمس": "لو ريم البارودي رفعت سماعة التليفون واعتذرت لي كنت هسامحها، ولكن ريم البارودي بتكرهني جدا، وعمري ما كنت صديقة لريم البارودي".
وعن صفعة ويل سميث فى حفل جوائز الأوسكار، قالت الإعلامية ريهام سعيد: "إحنا بني آدمين وكلنا لنا أخطاء، وهذا هو ويل سميث كان يستلم جائزة فى يد ويضرب بالأخرى".
وعن خلافاتها مع الفنانة سما المصري، تابعت: "تنازلت عن قضيتي ضد الفنانة سما المصري وفقًا لاتصال دار بيني وبين محامي الفنانة بعد حكم حبسها، لكن المحكمة رفضت التنازل، وسما المصري أول شخصية قالت عليا أني رد سجون، وسما المصري مصعبتش عليا لما اتسجنت".