سهام جلال: بوسة أحمد السقا لي في أحد الأفلام كانت مصيبة وعدت المشهد 20 مرة | فيديو
قالت الفنانة سهام جلال: "صعيدي في الجامعة الأمريكية عطلني كتير، وأنا كنت موديل ومبفكرش في التمثيل أصلًا".
كارثة سهام جلال
وتابعت خلال لقائها ببرنامج "كلام الناس" المذاع على قناة "إم بي سي مصر": "لما نزل فيلم “صعيدي في الجامعة الأمريكية” الدور علشان كان فيه إغراء كان كارثة بالنسبة لي وعندنا مصيبة في المنتجين والمخرجين أنهم بيحطوا الفنان في قالب لما ينجح في لون معين".
قبلة أحمد السقا
وأضافت: "مشهد البوسة في صعيدي بالجامعة الأمريكية عدته 20 مرة بسبب الخوف، وكل لما أقرب أعمل استوب لحد لما المخرج زعقلي لأن أحمد صديقي وصاحب خطيبي وده اللي كان مخليني واقفة قدامه خايفة، وأنا اعترضت على البوسة لأنها هتفشكل الجوازة وكانت المفترض بوسة على الرقبة، وعملت البوسة وبعدها عملتلي مشاكل".
رد فعل خطيب سهام جلال
ولفتت: "البوسة مع السقا كانت مصيبة، ومكنتش عارفة أقول لخطيبي إيه، ومكنتش عارفة أفكر، وخطيبي لما شاف بوستي مع أحمد السقا مشى من السينما لكني صالحته بعد شهرين لأننا كنا بنحب بعض".
أدوار الإغراء
ولفتت: "اتعرض عليا أدوار إغراء كتير بعد صعيدي في الجامعة الأمريكية، وأجرى في الفيلم كان 1000 جنيه، وهو رقم ضعيف جدًّا".
وتدور أحداث فيلم صعيدي في الجامعة الأمريكية حول طالب قادم من الصعيد إلى القاهرة ليدرس بالجامعة الأمريكية ثم يعيش في مكان واحد رفقة أصدقائه؛ حيث يواجه العديد من المواقف في حياته بطريقة كوميدية.
