شيرين رضا: 70% من الناس مش مؤهلة أنها تخلف|فيديو
![شيرين رضا](images/no.jpg)
قالت الفنانة شيرين رضا:"مش كل الناس مؤهلة تخلف أطفال، واللى بيرموا أطفالهم مش مؤهلين إنهم يخلفوا ومايستهلوش يبقى عندهم طفل بيعيط في الشارع".
مشكلة القدرة علي الإنجاب
وأكدت خلال الجزء الثاني من لقائها ببرنامج "حبر سري" الذي تقدمه اسما ابراهيم بقناة "القاهرة والناس":"70% من الناس في مصر مش مؤهلة إنها تخلف".
أفكار متوارثة
وتابعت:"بنلاقى ستات بتبقى عايزة تخلف علشان تربط الراجل جنبها، وهو عايز يخلف علشان العيال تشيل اسمه، وده تفكير غلط".
أزمة التنمية والزيادة السكانية
وأكملت:"من الكلام المتخلف في تفكير الناس إن كل عيل بيجي برزقه، والراجل بيفكر في الولد اللى هيشيل اسمه وميعرفش انه لما يموت الدنيا هتمشي ومحدش لا هيفتكر اسمه ولا شكله ولا سنه وإحنا عندنا ازمة وعي، وفيه كلام كبرنا عليه متخلف جايبنا لوراء وعمالين نزيد ونجيب في عيال ونزيد ومش شايفين تنمية علشان العدد، ومفيش حاجة اسمها العيل بيجي برزقه ولو مشتغلتش هيجيلي رزق منين".
وتحدثت الفنانة شيرين رضا عن أسباب رفضها للزواج وتجاربها السابقة، مؤكدة: "كافة زيجات الوسط الفني فاشلة ودائما تنتهي بالطلاق ما عدا القليل منها، أمثال الفنانة منى زكي وأحمد حلمي".
وقالت خلال الجزء الأول من حوارها مع برنامج "حبر سري"، تقديم الإعلامية أسما إبراهيم المذاع على فضائية "القاهرة والناس": "لو بفكر فى الزواج فيجب أن يكون الرجل الذى سأتزوجه شخصية بيضحكني ويكون مثقف"، نافية صحة ما تردد عن زواجها بشاب يصغرها بـ 28 عاما.
شائعة الزواج
وسخرت من شائعة زواجها بشاب يصغرها بـ 28 عاما، قائلة: "ده يبقي أبني، وأنا أنجبت أبنتي وكان عندي 21 عاما"، لافتة: "أحمد الفيشاوي فى إحدى جلساتنا كان بيهزر وطلبني للزواج ولكني رفضت".
وأكدت الفنانة شيرين رضا أن الفنان أحمد الفيشاوي طلبها للزواج كنوع من الهزار، موضحة: "أنا لن أتزوج سواء كان أحمد الفيشاوي أو غيره، معنديش وقت للزواج، وأنا فشلت في الزواج مرتين، وتعلمت من صغري أنني إذا فشلت في حاجة معملهاش تاني".
وأضافت: "وأنا ما بدورش على أحد يتزوجني واللي عايز يتجوزني يحارب وأنا مش هقدم نفسي على طبق من فضة للرجال".
زواج الوسط الفني
وأوضحت: زواج الوسط الفني فاشل، ونهايته الطلاق قد يكون بسبب الغيرة المتبادلة من نجاح الآخر، فالفنان بحكم عمله قد يكون متضايق من عمل زوجته، ولكن هناك زواج ناجح مثل منى زكي وأحمد حلمي.