رحاب الجمل تكشف سر اعتذارها عن مسلسل الأسطورة ورد فعل محمد رمضان|فيديو

قالت الفنانة رحاب الجمل:"اتقابلت انا ومحمد رمضان في فيلم "احكي يا شهرزاد" صدفة ومكناش نعرف بعض وبقينا أصحاب واخوات، وبقول في كل البرامج ده ابني، واشتغلت معاه في "عبده موتة" ومسلسل "البرنس" في 2020".

سر الاعتذار عن مسلسل الأسطورة

وتابعت خلال لقائها ببرنامج "العرافة" المذاع علي قناة "المحور":"اعتذرت عن مسلسل "الأسطورة" ومحمد رمضان زعل، بس اعتذرت لأن ابويا كان بيعمل عملية كبيرة وأمي كان عندها السكر وعملت بتر في رجليها، وكان عندي لخبطة جامدة ".
 

شقيقة رحاب الجمل

وعن حقيقة خلافها مع شقيقتها غادة، علقت:"بعتبارها مثل أمي، وهي طباخة شاطرة، ومفيش اي خلاف بينا، ومعرفش حاجة عن انها طلبت مساعدة علشان تشتغل في الإعلام".

وتبرأت الفنانة رحاب الجمل، من فيلم "بنت من دار السلام" لإساءته للإسلام، لافتة إلى أنها لم تكن سعيدة باشتراكها في العمل.

تحذير مخرج الفيلم

ولفتت خلال  نفس اللقاء:"العمل تحول من فيلم قصير إلي فيلم طويل، ومنذ اللحظة الأولى تخوفت من الفكرة واطلعت المخرج بذلك لأنه أخرج الرجل المصري البسيط صاحب الجلباب وهو يسيئ للإسلام وحذرته من تعرضه لمشكلات فأخبرني أنه فيلم مهرجانات ولن يكون عرضة للانتقاد أو الهجوم عليه".

رسالة الفتاة السادية

وتابعت رحاب الجمل:"قبلت تجسيد دور الفتاة السادية في البداية دون التطرق لشخصية الرجل الذي يسيء للإسلام، وصورت الرسالة من غير ما ألبس عريان، وانا مكنتش بحضر كل التصوير ".

شخصية رحاب الجمل

ولفتت:"مكنتش بألبس عريان في الفيلم، وانا معترفة ان الفيلم مسيئ وده معناه انى ممثلة جامدة وقدرت أوصل الرسالة والمعلومة، ولكن شخصيتي في فيلم "بنت من دار السلام" مش شخصيتي في الحقيقة، أنا زوجة عادية في بيتي".
 

وقالت الفنانة رحاب الجمل:"مبعرفش اسكت علي أي حد بيشتمنى علي السوشيال ميديا واللى بيغلط فيا بقوله زي أمك".

رد قوي من رحاب الجمل

وتابعت:"أنا مبعرفش أسكت علي أي حد بيغلط فيا، وانا بتشتم شتائم جارحة، ولحد امبارح، وبرد وانا لساني قد كده وبشتم، وبعرف اخد حقي بلساني واللى بيطول لساني بهزقه، وبشتمه زي مابيشتمني".

تهديد للمتحرشين

وأكملت:"انا القطة مكلتش لساني، وبهدد أي حد بيتحرش بيا بإني هارفع عليه قضية واوصله لمباحث الإنترنت".