شريف مدكور يعبر عن ندمه لهذا السبب

أعرب الإعلامي شريف مدكور عن استيائه الكبير وحزنه، لعدم زواجه حتى الآن وإنجابه أطفالا، مشيرًا إلى أنه لو كان لديه طفل لكانت حياته اختلفت تمامًا.

وكتب شريف مدكور منشورًا، عبر حسابه الشخصي بموقع التواصل الاجتماعي فيسبوك، قال فيه: أكيد حياتي كانت هتكون أحلى لو خلفت أطفال.. الحمد لله على كل شيء.

على الجانب الاخر كان الإعلامي شريف مدكور أعلن في أغسطس الماضي عن إصابته بالصفرا عبر حسابه على موقع الصور إنستجرام.

وكتب شريف مدكور منذ قليل: كنت خايف من الكورونا جالي الصفرا.. الحمد لله راحة أسبوعين في السرير مع الكثير من العسل الأسود".

انتقاد شريف مدكور

على جانب آخر، كان الإعلامي شريف مدكور، تعرض إلى الانتقادات، بسبب التحدث بصراحة حول رفضه التام التجاوب وتقديم المساعدة إلى أفراد يطلبون الأموال منه عبر مواقع التواصل الاجتماعي على سبيل «السُلفة» لمساعدتهم في تسديد ديونهم، موضحًا أنه يوافق على دعم الأشخاص من الأهل والأصدقاء والمعارف وليس الغرباء.

وقال الإعلامي خلال بث مُباشر، عبر صفحته الشخصية بـ«فيسبوك»: «الفيديو بعمله بسبب بوست خاص بموضوع (ماحدش يطلب مني فلوس) ناس كثيرة هاجمتني مش عارف ليه وبقى تريند، يعني إيه حد ماعرفوش يبعتلي على الفيسبوك - بيحصل لي كل يوم تقريبا - يقولي عايز استلف 50-100 ألف جنيه أولا اللي بيتزنق في فلوس عمره ما يبعت لحد مايعرفوش، هيبعت لأخوه أو لخاله أو لخالته وحد من أهله».

وتابع: «أنا شخص صريح وناس قالوا غليظ القلب وقلة أدب الحقيقة فلوسي بشقى بها إزاي أديها لحد ماعرفوش لكن لو أصحاب وأهلي هسلفه عشان عارف أنه هيرجعهالي، فإزاي واحده تقولي عايزه 100 ألف جنيه عشان اشتريت حاجات من ورا جوزي عشان هتفضح، هل يا جماعة دا طبيعي أو واحد يستلف 6 آلاف جنيه عشان سداد قسط الموبايل.. ليه اشتريته لما مش معاك فلوسه؟».

واستكمل: «وناس تقولي خسارة فيك الدعاء اللي بتدعهولي لما كنت عيان وعندي سرطان، ماحدش يذل حد في الدعاء، وأنا مطلعتش قولت أدعولي لما كنت عيان.. عيب حد يبعتلي يذلني على الدعاء اللي دعهولي وأنا حبيت أوضح لأني حسيت أني مش فاهم وأه قولت على قد لحافك مد رجليك.. وتعليقات الناس في منتهى السخافة أنا بوضح لو حد أعرفه من اللي حواليا عيني له لكن حد ماعرفهوش ومش صديق عندي على فيسبوك إزاي محبة فيّا بيطلب مني 100 ألف جنيه».

وكان شريف مدكور أطلق رأيه بصراحة، وتسبب في غضب الكثير من المُتابعين، حيث قال: «صباح الخير ياريت محدش يبعت يطلب مني أنه يستلف فلوس علشان أنا ضد الموضوع ده، أنا عارف إن الحياة صعبة، بس على قد لحافك مد رجليك شكرًا».