عمرو أديب لمرتضى منصور: باخد 3 أو 10 مليون دولار أنت مالك واوزن كلامك | فيديو
قال الإعلامي عمرو أديب: "محمد صلاح عايز لما مرتبه يزيد يبقى في الشهر يوازي 2.5 مليون دولار، ومرتضى منصور الأسبوع اللي فات طلع قال للناس إني باخد في الشهر 3 مليون دولار فيبقى ليَّ الفخر يا سادة أن آخد أكتر من ميسي ورونالدو والعقد الجديد لمو صلاح ومبابي".
رغبة عمرو أديب
وأضاف خلال برنامج "الحكاية" المذاع علي قناة "إم بي سي مصر": "مرتضى منصور مش طايقني ودا عادي، بس الغريب أن فيه ناس كتير بتقول لك عمرو أديب بياخد 3 مليون دولار في الشهر ياريت أنا مستعد أقبض 3 مليون دولار في شهرين واقعد في البيت ومحدش هيشوفني تاني".
عقل مرتضى منصور
وتابع: "فيه حد يعقل الكلام ده، ومرتضى منصور بيقول أيوا بياخد 3 مليون دولار في الشهر وضحكة كده، وده نفسه طبعًا الخطاب الجليل اللي اتكلم فيه إن فيه لعيبة في الزمالك تعرف بنات والراجل كلام طبعا صادق جدًّا على طول".
رسالة نارية من عمرو أديب لمرتضى منصور
واستطرد: "دلوقتِ محمد صلاح هيجي يقول لإدارة ليفربول إشمعنا عمرو أديب بياخد 3 مليون دولار في الشهر إيه يعني لما أزيد واخد 2.5 مليون دولار، وبعدين باخد 3 أو 10 مليون دولار أنت مالك يا مرتضى؟ واوزن يا ابني الكلام أنت ما بقتش تعرف توزن الكلام خلاص".
وأكد مرتضى منصور رئيس نادي الزمالك، أن الإعلامي عمرو أديب يستفز الشعب المصري في برنامجه.
وأضاف: عمرو أديب يتقاضي ٣ ملايين دولار في السنة من قناة إم بي سي مصر.
وقال: “مش أنت يا عمرو زملكاوي طيب ادفع للزمالك ٣ مليون دولار”.
وقال مرتضى منصور رئيس نادي الزمالك، إنه عرض سيف الجزيري للبيع بسبب إرساله إنذارًا ضد النادي للحصول على مستحقاته.
وأضاف أن هناك لاعبًا في الفريق ضُبط في الفندق مع إحدى الفتيات لذلك قرر أسامة نبيه طرده من المعسكر وهذه الواقعة حدثت في عدم وجودي بالزمالك.
وقال: إن أحد اللاعبين ضبط مع فتاتين ورفض مشاركته مع الزمالك ولكن كارتيرون أصر انه يشارك مع الفريق قائلا:" بالمنظر ده عاوزين الفريق يكسب وياخد البطولة ".
كارتيرون خاين
وتابع: كان معلمين في الفريق وكارتيرون كان مدرب خاين ويتعمد انه يدمر فريق الزمالك قبل رحيله.
موسيماني عرض تدريب الزمالك ورفضناه
أكد مرتضى منصور، أن زوجة موسيماني كانت تتفاوض مع أمير مرتضى لتدريب الزمالك، ورفضنا الأمر قبل تجديد تعاقده مع الأهلي.
وطالب مرتضى منصور أندية الدوري السعودي، بالابتعاد عن التفاوض مع لاعبي الزمالك.
وتساءل لماذا لم يتفاوض نادي النصر السعودي مع محمد الشناوي ومصطفى شوبير حارسي الأهلي ولماذا يتم التفاوض مع لاعبي الزمالك.
