شيرين تظهر ببطن منتفخ أثناء غنائها بأحد الأفراح.. ونشطاء: حامل | فيديو

تداول عدد من نشطاء موقع التواصل الاجتماعي "فيس بوك" مقطع فيديو للفنانة شيرين عبد الوهاب أثناء إحيائها أحد الأفراح بقصر البارون بالقاهرة؛ حيث ظهرت شيرين وهي تغني إحدى أغانيها، وترتدي فستانًا أسود اللون ويرقص بجوارها أحد الأشخاص.

وانتشر الفيديو بشكل كبير عبر فيس بوك، خاصة وأن شيرين ظهرت ببطن منتفخ، وهذا جعل الكثير يعلقون على الفيديو بأن علامات الحمل تظهر عليها، كما أن الفيديو قد تم تصويره قريبًا نظرًا لظهور شيرين بشعر قصير بعد أن قامت بقصه.

يذكر أن شيرين تصدَّرت محرك البحث جوجل منذ عدة أيام بعدما بكت على المسرح أثناء إحياء حفل غنائي بدولة الكويت، وهذا جعل عددًا من النشطاء يتعاطفون معها وآخرون ينصحوها بالخروج من محنتها بعد انفصالها عن زوجها حسام حبيب.

وعلق الإعلامي عمرو أديب، على بكاء الفنانة شيرين عبد الوهاب، والملابس الغريبة التي ارتدتها خلال الحفل.

وقال عمرو أديب خلال برنامج "الحكاية" المذاع على قناة "mbc مصر": "ظهرت شيرين على المسرح في الكويت مش شيرين عبد الوهاب شكلها مختلف وترتدي ملابسَ مختلفة وأجهشت بالبكاء أكثر من مرة".

محنة شيرين عبد الوهاب

وأضاف: "تشعر أن شيرين في محنة وانقسم العالم إلى قسمين ناس قالوا ده إستايل جديد، وناس تانية قالت لأ هي في حالة اكتئاب عميق وبشكل عام يا جماعة ممكن الإنسان يبقى عنده كل حاجة عندها الفلوس والشباب والشهرة والموهبة وكل شيء ولكن هي في حالة كرب عظيم أو هكذا أتخيل لو هي مفيش حاجة وكويسة وكله تمام هكون سعيد إنما عايز أطلع من حالة شيرين وأن ناس كتير اتفقت أنها عندها مشكلة، إحنا نعيش أيام صعبة وحتى ابتدوا دلوقتي يطلعوا لنا أبحاث عن الناس اللي جالها كورونا وأنه بيأثر نفسيًّا في الإنسان وناس كتير بشوفها حوالي عايز يسيب نفسه يغرق وأنا شوفت شيرين كده عايزة تغرق ومش عايزة تقاوم ماشية زي ما الموج بيمشيها ولما تغرق تغرق".

عصر المصائب

وتابع: "العصر اللي إحنا فيه صعب وكل يوم فيه مصيبة جديدة، وأنا رأيي إن الأمر لازم يكون فيه بعض المقاومة ونعوم شوية لغاية لما نلاقي مركب أو شط ونرسي عليه إنما حالة إنك مش قادر عمرها ما هتوصل لحاجة وفي الأيام الصعبة لازم تقاوم كتير وتقف على رجلك ومش هيطلعنا وينجينا في اللي إحنا فيه غير ربنا، الالتجاء إلى ربنا مهم ثم مبقاش الناس بتقف جنب بعض وبقى كتير الناس عايزة تقطع في بعض ولما تشوفك بتغرق تقولك اغرق وموت وحالة من التوحش غير طبيعية وكان زمان رمز القوة والجمال الراجل اللي ينط من فوق الكوبري علشان يلحق ينقذ حد بيغرق إنما دلوقت لأ، كان زمان اللي يطلعك من الدوامة صديق أب أم فاعل خير وكان فيه حاجة كده دلوقت مفيش فاعل خير، وحاسس فعلًا بحالة من حالات التوحش".

الدعم النفسي لشيرين

وأكمل: "التعليقات اللي على شيرين لما أجهشت في البكاء غريبة، لو كل واحد وقف جنب واحد هيبقوا اتنين والمجتمع يقف على رجله ودي من أكثر الأوقات اللي محتاجين نقف فيها جنب بعض، ولكن لما يكون فيه مصيبة بحس بحالة من الشماتة، شيرين محتاجة اللي يساعدها وكلنا محتاجين اللي يساعدنا، بقولها امسحي دموعك يا شيرين وقولوا لها كلمة حلوة وربنا معاكي وربنا يقف معاكي ويخرجك من محنتك علي خير، شيرين إن شاء الله تطلع من الأزمة اللي فيها وشيرين من أهم 10 مطربين في الوطن العربي في العصر ده، ربنا مع شيرين وإن شاء الله حالتها تتحسن في الأيام الجاية وإلا محدش عارف إيه اللي هيحصل".