الملحن وليد سامي: مفيش حد من أهلي وقف جنبي
تحدث الملحن وليد سامي ، خطيب الفنانة إلهام عبد البديع عن جانب من حياته الشخصية مؤكدا أنه يشعر بالحزن الشديد، وذلك من خلال حسابه الشخصي علي موقع التواصل الاجتماعي "فيس بوك".
وقال "وليد":" أول مرة انزل بوست عن حياتي الشخصية أو اتكلم في حاجه زي كده بس اكتشفت إني مليش حد احكيله أو اتكلم معاه. انا بس عايز اعرف ليه في ناس بتغل وبتحقد أوي كده محدش عارف الواحد في ايه. وأنا قولت اختصر وأقولهم الواحد في ايه، في اني تعبت في حياتي اوي، في ان مفيش حد من اهلي وقف جنبي، ولا حتي ابويا اللي المفروض اتسند عليه وهو اللي يشجعني اكتر واحد بيكسر خاطري كل يوم عن التاني".
واضاف:"في ان الناس في الشغل مش بيسيبوا حد في حاله لمجرد ان ربنا بيكرمه علي قد تعبه، في ان انا بيجي عليا وقت مش ببقي عارف هكمل ازي بكره، في اني مش مرتاح ومش مبسوط باللي بيحصل الفتره دي في الشغل وفي الحياة، ومطلوب مني اني اضحك واهزر واقول بكره احلى واضحك على نفسي.
وتابع: "فعلا نفسي الناس تتمنى الخير لبعض بجد وانا مش نجم انا انسان عادي واقل خلق الله وبدأت من تحت اوي. يمكن اللي الناس متعرفوش ان في عز فرحتي بموهبتي محدش ساعدني من اهلي، وكنت بشتغل وبصرف علي نفسي وعلي المزيكا واشتغلت كل حاجة وحاجات كتير اوي والشغل مش عيب، اتعلمت يعني إيه كلمة راجل واني اعتمد علي نفسي واحمد ربنا طول الوقت علي اللي انا في. اسف لو طولت عليكم ".
وفي سياق أخر أكد الملحن وليد سامي خطوبته من الفنانة الشابة إلهام عبد البديع، وأعلن الثنائي ذلك من خلال تواجدهما في حفلة المطرب إيساف بساقية الصاوي.
وقال الملحن وليد سامي:" كنت بعملها أغنية وبعديها مشاعرنا بدأت تتحرك وبقينا مع بعض وبعدها خطبنا بعض وأعلنا الكلام ده امبارح على المسرح في حفلة إيساف.
