حلمي بكر يكشف كواليس رسوب حمو بيكا في اختبار نقابة الموسيقيين | فيديو
كشف الموسيقار حلمي بكر، كواليس رسوب مؤدي المهرجانات حلمي بكر، في اختبار نقابة المهن الموسيقية.
رسوب حمو بيكا
وقال حلمي بكر خلال لقائه ببرنامج "توب تريندينج" المذاع علي قناة "تن": "امتحنت حمو بيكا بصفتي رئيس اللجان وقلت له يا ابني لا تصلح، فجاء بعد كده عن طريق مسؤول قال اعملوا له لجنة وشكلوا لجنة فعلا و6 من اللي أنا امتحنتهم ونجحتهم سقطوهم بما فيهم حمو بيكا".
صوت حسن شاكوش وعنبة
وأضاف: "حسن شاكوش مطرب صوته لا بأس به وبيغني ولكن لما بيطلع الجواب بيكون جواب غير مثقف، وعنبة أيضًا لا بأس ولكن لا بأس مش كفاية إنك تكون مطرب".
تحريض المرأة
وفي سياق منفصل، قال الموسيقار حلمي بكر في نفس اللقاء: "اتجوزت 13 مرة وبدور على عروسة، وكنت على حق في أزمة انفصالي عن زوجتي الأخيرة ولن أتحدث عنها مراعاة لمشاعر ابنتي التي تبلغ من العمر 5 سنوات".
وأضاف: "لولا أنانية زوجتي الأخيرة لما فارقت ابنتي حضني، وأتساءل: ما سبب اللغة الحديثة المستحدثة في تحريض المرأة مع أنها أجمل شيء في حياة الرجل؟".
تكريم المرأة
وأكمل: "طول عمر المرأة مكرمة، ويوم ما تبقي مراتي قدامي وهي بتقدم لي كوباية مياه عايز أقولها أجمل جملة، وأنا مش ضد المرأة انا احترمها، وضد العنف ضد المرأة".
ابنة حلمي بكر
ووجه حلمي بكر رسالة لابنته: "بنتي ربنا أعطاها الله الذكاء مثل ابني اللي في أمريكا الأول على جامعة سان فرانسيسكو واتجوز وحصل على الجنسية الأمريكية، وهو بارع في تخصص تخطيط المدن، وهو صديقي منذ أن كان طفلًا".
ولفت: "مشوفتش بنتي بقالي 3 شهور رغم توفير كل طلباتها وعاملها اشتراك في النادي".
وحبس الملحن حلمي بكر، دموعه على الهواء خلال لقائه ببرنامج "العرافة" المذاع على قناة "المحور" بسبب معاناته من الوحدة.
وأضاف حلمي بكر: "الوحدة وحشة وببقى أنا والحيطان والبيت وفي يوم من الأيام كانت شقتي فيها كل فنانين مصر، دلوقت مفيش حد معايا".
وتابع: "آخر من سأل عليا كان علي الحجار وصابر الرباعي ومدحت صالح، غير كده مفيش حد بقى يعرفني".
وأضاف: "بنتي الصغيرة بكلمها وهي عايشه مع والدتها وأنا عايش في الشقة لوحدي ومفيش حد بيخدمني ولما بروح أواجه نفسي ولكن اللى بيضايقني انى خايف أموت ومحدش يحس بيا".
