أبرز تصريحات حمادة هلال في برنامج حبر سري
حل النجم حمادة هلال ضيفا علي الإعلامية أسما إبراهيم في برنامج "حبر سري" والذي يعرض علي شاشة القاهرة والناس.
وكشف حمادة هلال عن العديد من الأسرار في حياته الشخصية كما علق على أزمة رضا البحراوي وحسن شاكوش الأخيرة وحقيقة تعاونه مع حمو بيكا في ديو غنائي وعن سبب عدم تعاقده مع شركة اعلانات عالمية بسبب نجاح أغنية محمد نبينا.
أزمة حسن شاكوش ورضا البحراوي
علق الفنان حمادة هلال على أزمة حسن شاكوش ورضا البحراوي الأخيرة حيث قال:" أنا ماشوفتش بعنيا أنا سمعت بس فاهحكم ليه ولكن اللي معجبنيش في الموضوع الفيديوهات الي بعتوها لبعض بعد المشكلة اللي بينهم ولكن وقت الحفلة ماقدرش احكم عليها لأني ده ممكن يكون وقت غضب كبير.
حقيقة عمل ديو غنائي بين حمادة هلال وحمو بيكا
ونفى حمادة هلال تعاونه مع مؤدي المهرجانات حمو بيكا في عمل ديو غنائي قائلا:" الكلام ده مش حقيقة ولكن الحكاية أني انا كنت رايح فرح في إسكندرية وحمو طلع ليا الأوضة بتاعت الفندق ودخل سلم عليا وسلمت عليه ودمه زي العسل وأنا بعشق حمو بيكا فعملنا فيديو فهو قال في الفيديو أن فيه ديو غنائي بيني وبينه وأنا مرضتش أقول لأ ولكن أنا ممكن أعمل ديو مع أي حد أنا يهمني شكل الأغنية اللي هنعملها.
و أكد حمادة هلال من خلال اللقاء بأن أول فرح أحياه في حياته كان في عام 1991 وقد تقاضي 5 جنيهات .
وتابع:" كان في فترة كنت بغني من ورا أبويا كنت طفل عنده 9 سنين بيغني في الشارع.
أغنية عيش بشوقك
وأكد حمادة هلال بأن أغنية "عيش بشوقك" والتي غناها النجم تامر حسني كانت أغنيته في البداية وقام بالعمل عليها لمدة 6 شهور ولكنه انشغل مع والدته بسبب أزمتها الصحية مشيرا:" تواصلت مع فريق عمل الأغنية والزميل الذي غناها وأخبرتهم بأن أغنية عيش بشوقك أغنيتي ولكني انشغلت بفترة بسبب مرض والدتي.
وكشف الفنان حمادة هلال حقيقة تفكيره في ترك الفن من باب كونه حرامًا شرعًا، مؤكدًا أنه فكَّر في اعتزال الفن أكثر من مرة منذ أول عمرة له في حياته.
صراع ترك الفن
وتابع خلال لقائه ببرنامج "حبر سري" المذاع على قناة "القاهرة والناس": "صراع ترك الفن علشان حرام شرعًا شغال معايا من زمان من أول ما بدأت، ومش أنا اللي أقول ده حلال أو حرام ولكن عايز أتقى ربنا في حياتي وشغلي وبعد كده مفتاح الجنة والنار عند ربنا".
