راندا البحيري تنصح جمهورها: ما تدخلوش عيالكم معهد الفنون المسرحية
وجهت الفنانة راندا البحيري نصيحة للجمهور بشأن معهدين السينما والفنون المسرحية، حيث قالت: “كلمتين والله العظيم بقول لهم من قلبي لأي حد عنده شباب وداخلين الجامعة”.
وأكملت “راندا” قائلة: “يا ريت ما تدخلوش عيالكم معهد الفنون المسرحية ولا معهد السينما خلاص.. ببساطة لأننا بنخشهم أكيد علشان نطلع منهم نشتغل في الحقل الفني.. وما بقاش فيه شغل في الفن زي ما أنتو شايفين.. فياريت يتعلموا حاجة أو صنعة أو حاجة تفيدهم لأن دخولهم المعاهد دي من غير شغل بعد كده هيتعبهم جدًّا”.
وفي وقت سابق كانت الفنانة راندا البحيري وجهت عبر حسابها الرسمي على موقع التواصل الاجتماعي "فيس بوك"، رسالة تحذير ونصيحة للأزواج.
وكتبت، في منشورها التحذيري: "نصيحة للرجالة المتجوزين.. سايس مراتك يا معلم علشان الجو ملبش اليومين دول"، وقوبلت بنوع من الانقسام في التعليقات بين الغضب والسخرية.
موقف الرجال من نصيحة راندا البحيري
تفاعل عدد كبير من متابعي راندا البحيري، مع منشورها، خصوصًا الرجال، إذ جاء من بين التعليقات: «على فكرة ما ينفعش نستهزأ باللي حصل ده، لو حد قريبك مش هتتكلمي كدا، ربنا يهدينا جميعًا»، «والله يا راندا يا حبيبتي أنا جزار وخفت، لدرجة أني شلت كل السواطير والآلات الحادة، وبقيت أفطر برا كمان»، و«اللي مراته عاوزة زيادة في المصروف مفيش مشكلة، زود وربنا يعينك، واللي في مشاكل بينه وبينها، يحاول يلم الدنيا شوية على قد ما يقدر».
