السيسي: أنا مش قادر أدى مرتب كويس للطبيب والمعلم.. وأعداد كبيرة من الخريجين ملهمش مكان

كشف الرئيس عبد الفتاح السيسي، عن حاجة الدولة المصرية في المستشفيات لتحقيق الخدمة الصحية المطلوبة قائلا: عاوزين نضاعف المستشفيات عندنا 500 مستشفي وعاوزين ألف مستشفي طب بكام انت كده عملت المكان.. بس فين التشغيل والأطباء.. الناس تسبلنا فرصة عمل في حتة تانية .

وأضاف الرئيس السيسي: الطبيب هو أنا بديلو مرتب كويس.. هو انا مش عاوز اديلو مرتب كويس.. انا مش قادر اديلوا مرتب كويس.. المدرس الدولة انا مش قادر.. وبالتالي التعليم اللى بيخرج جامعات حاسبات وكلية هندسة حاسبات ووعاء فيه عشرات الآلاف من الطلاب.. ونقول نعمل الاختبارات الإلكترونية وبنك معلومات ونظم معلومات علشان تتطور البنية التحتية.

وقال الرئيس السيسي: هتفضل في دائرة كاملة لطيفة أن المستوى بتاعك هيفضل كده دائما في سوق العمل في مصر بس النموذج دا وعدد أقل منه احنا بنجيب الحد الأقصى بنقول.. في الموارد بتاعتنا هندفع بس هاتوا الناس للوظائف الجديدة.. انا جيبت مثال واحد لكن الكلام ده لو خرجت ألاف الطلبة من خريجي كلية الأداب جغرافيا وتاريخ سوق العمل فيه كده.. الناس عاوزه كده الناس.. عاوزه تدخل ولادها الجامعة … وأنت كمواطن تغسل ايدك وتقوله عملتك ليسانس آداب قسم كذا.. العدد اللى بيخرج ملوش مكان.

ويحضر الرئيس عبد الفتاح السيسي اليوم الإثنين فعالية المشروع القومي لتنمية الأسرة المصرية بمركز المؤتمرات الدولية "الماسة" بالعاصمة الإدارية الجديدة.

ووضع الرئيس عبد الفتاح السيسى منذ توليه مقاليد الحكم معالجة قضية الزيادة السكانية نصب عينيه حيث جاءت توجيهاته بإطلاق المشروع القومي لتنمية الأسرة المصرية بهدف تحقيق نقلة نوعية في مجالات بناء الانسان المصري.

وتنفذ الدولة المشروع القومي لتنمية الأسرة المصرية بمحاوره المختلفة وباشتراك كافة الأجهزة المختصة والذي يهدف للإرتقاء بجودة حياة المواطن المصري والأسرة المصرية ويتم تنفيذه في نطاق جغرافي يشمل كافة أنحاء الجمهورية.