سعد الصغير يكشف مفاجأة عن تجديد شقة والد بوسي وتجهيزها بعفش جديد | فيديو

كشف الفنان سعد الصغير، مفاجأة عن تجديد شقة الحاج محمد شعبان، والد الفنان بوسي، وتجهيزها بعفش جديد، وذلك بعدما ظهر الفرق في الصورتين فى الحلقة التى تم إذاعتها بقناة “الشمس”.

فى هذا السياق، قال سعد لـ “فيتو”: “بفضل ربنا القصة مكنتش شو ولا حد عرف غير لما ظهر معانا فى الحلقة على الهواء ولا قولنا قبلها ولا بعدها كل القصة إنه زي أبويا ونفسي أفرحه، وغير كمان أنه أبو أختي بوسي قبل ما تكون زميلة في المجال”.

وتابع “سعد”، فى حاجات بتاعت ربنا مينفعش أتكلم فيها، بس الموضوع بسيط والقناة قامت بجزء من الموضوع، معاية، وخلصنا الشقة فى 3 أيام بعفشها، والحمدلله عرفنا نفرحه ونصفي الأمور بينه وبين “بوسي”.

وعن مقابله “بوسي” لوالده قال “الصغير”، الموضوع خلاص إنتهي ومفيش مشكلة نهائيًا، ومهما كانت ده بنته وهو أبوها، واللى بيعمل المشاكل الناس، لكن هو مش طالب غير حضن بنته.

على الجانب الآخر، قال محمد شعبان، والد المطربة بوسي: "أعاني من الحساسية والبروستاتا، وبقالي 21 سنة عايش لوحدي، وأنا اللي بطبخ وأغسل وأكل نفسي، وبعمل كل حاجة لنفسي".
 

دعم بوسى المالي

وأضاف خلال لقائه ببرنامج "سعد مولعها نار" الذي يقدمه المطرب الشعبي سعد الصغير بقناة "الشمس": "بنتي بوسي كانت الأول بتبعتلي كل شهر فلوس مع أمين أخوها وأنا حتى شغال، ولما قعدت خالص عينيا الاتنين مبشوفش بيهم وقفلت ورشتي وبنتي بقت تبعتلي فلوس وفجأة مبقتش تبعت".