بعد مشروع القهوة.. أحمد فلوكس يدعم كريم الحسيني
حرص أحمد فلوكس علي توجيه رسالة دعم للفنان كريم الحسيني والذي قام بتحويل سيارته إلى عربة مشروبات ساخنة منذ أيام.
أحمد فلوكس
وقال "فلوكس" من خلال حسابه الشخصي علي موقع "إنستجرام":"وده مش أي فنان ده فنان كان سابق جيله وفنان من العيار الثقيل والحقيقة مش مستغرب من أنه اشتغل لأنه من صغره راجل جدًّا كل الدعم ليك يا كريم وربنا هيجبر بخاطرك انت تعبت وشقيت كتير واللي جي أحسن.
كريم الحسيني
وخرج الفنان كريم الحسيني بمقطع فيديو جديد بعد تحويل سيارته إلى عربة مشروبات ساخنة وذلك على حسابه الشخصي على موقع التواصل الاجتماعي "فيس بوك".
وقال "الحسيني" من خلال "الفيديو":" أنا بشكركم جدًّا على دعمكم وبالذات السادة الفنانين اللي قالت يلا نساعد كريم بس أنا حابب أقول لكم الحمد لله مستورة والمشروع ده أنا عامله عشان يسند شغل الواحد مش عاوزه أو يقبل أفلام دون المستوى وكمان في فنانين عاملين مشاريع".
وأضاف "الحسيني":" مشروع عربية القهو ده أنا عملته لأن "الريسك" فيه صغير ولكن الكافيه ممكن يخسر وأنا عملت المشروع ده عشان ما اشتغلش شغل يضايقني".
وعلق كريم الحسيني علي الفيديو قائلًا: "بشكركم من كل قلبي على مشاعركم النبيلة والدعم وكل الدعوات الحلوه اللي جات لي.. وهفضل أقول (حلمك ملوش تاريخ صلاحيه) لحد آخر نفس.. اتولد ممثل وهاموت ممثل.. اتمسك بحلمك".
وفاجأ الفنان كريم الحسيني الجمهور منذ أيام بتحول سيارته إلى عربة مشروبات ساخنة، وذلك من خلال مقطع فيديو عبر حسابه الشخصي على موقع التواصل الاجتماعي "فيس بوك".
وعلق كريم الحسيني على الفيديو قائلا: “مشروعي الجديد مشروعي.. الشغل مش عيب حلمك ملوش تاريخ صلاحية”.
