رمضان عبد المعز يهاجم منكري المعراج | فيديو
رد الشيخ رمضان عبد المعز، من علماء الأزهر الشريف، على منكري الإسراء والمعراج، قائلًا: "لما حد ينكر حاجة زي دي بص له هو مين ده اللي بيتكلم، اللي أبلغنا بالمعجزة دي سيدنا النبي محمد صلى الله عليه وسلم".
قول الحق في الكتاب الكريم
وتابع عبد المعز، خلال حلقة برنامج "لعلهم يفقهون"، المذاع على فضائية "dmc": "القرآن الكريم قال لسيدنا محمد صلى الله عليه وسلم، إن الناس اللي مش هتصدقك تفتكر عندهم عقل دول مثل الأنعام بل هم أضل سبيلًا"، مستشهدًا بقول الله تعالى: “أَمْ تَحْسَبُ أَنَّ أَكْثَرَهُمْ يَسْمَعُونَ أَوْ يَعْقِلُونَ ۚ إِنْ هُمْ إِلَّا كَالْأَنْعَامِ ۖ بَلْ هُمْ أَضَلُّ سَبِيلًا”.
قول أبو بكر الصديق
واستكمل: "سيدنا أبو بكر الصديق قالوا له صاحبك راح القدس اللي بنسافر لها شهور، وكمان عرج به إلى السماء، قال هو صادق، بقى ربنا عز وجل ليس بقادر أن يصعد بأحد من خلقه وينزله".
تصريحات إبراهيم عيسى
وقال الإعلامي إبراهيم عيسي في نفس الحلقة: "المسلم الحالي في سنة 2022 مش محتاج أي رجل دين أو شيخ في حياته، هيعلمك إيه الشيخ الصلاة والصوم والزكاة والحج هو أنت مش عارفهم؟!".
تجسس وتلصص الشيوخ
وأضاف: "هيعلمنا إيه الشيخ في 2022 تكون محترم في علاقاتك مع الناس وإنك لا تتجسس ولا تتلصص لأ ده بيعملك تتجسس وتتلصص وتدخل في الحياة الخاصة بتاعة الناس، الشيخ دلوقتِ طالع على يوتيوب وقاعد شغال مفتش قلوب".
قصة عمر بن الخطاب
وتابع إبراهيم عيسى: "هيوقل لك إيه الشيخ هيحكي لك قصص 99% منها كاذبة لأنه بيقول لك نص الحقيقة، يعني بيقول لك عمر بن الخطاب عدلت فأمنت فنمت يا عمر، وفرحان أوي بعدالة سيدنا عمر طيب هو حكى لك إنه اتقتل بعدها، يبقى عدل فأمن فنام إزاي، حكى لك الشيخ إن الراجل اللي قال الجملة دي لعمر هو المتهم الأول بقتل عمر بن الخطاب، اتقتل وهو بيصلي في الجامع إذن القصص كلها أنصاص قصص ومش حقيقية".
الإسراء والمعراج
وأكمل: "هل الشيخ قال لك إن ابن سيدنا عمر خرج بعد لما اتقتل سيدنا عمر وراح قتل المتهم بقتله وبنته وابنه بدون حساب وقصاص وبدون أي شيء، وإنه كان المفترض يفرض عليه القصاص ويتقتل، وعثمان بن عفان عفا عنه وما نفذش فيه القصاص، إذن كل قصص المشايخ وهمية وغير حقيقية، ولما يقول لك الإسراء والمعراج هتصدق إن مفيش معراج وإنها قصة وهمية وفقًا لكتب التاريخ والحديث".
