الفنانة شريفة ماهر: أنا دعيت على بنتي إنها يجيلها سرطان | فيديو
قالت الفنانة شريفة ماهر: "أنا لو مت مفيش مقبرة أتدفن فيها، ابني الكبير خد المقبرة اللي أمتلكها وباعها".
نجل شريفة ماهر
وأضافت خلال لقائها ببرنامج "بنت البلد" الذي تقدمه الفنانة نشوى مصطفى بقناة "صدى البلد 2": "أنا مسامحة ابني اللي مات برغم اللي عمله فيَّ ولكن مش راضية عن ابني الكبير ولا أقدر أدعي له من قلبي لأنه تعبني وبهدلني ومش راضية عليه".
دعاء شريفة ماهر
وأكملت شريفة ماهر:"ما عنديش إلا بنتي نيفين هي أحن وأطيب ولادي عليَّ ومبتسبنيش، إنما بنتي ناهد أنا دعيت عليها يجيلها سرطان".
وعلقت الفنانة شريفة ماهر، على وفاة ابنها الأكبر "مجدي"، قائلة: "برغم اللي حصل منه معايا لما عرفت خبر وفاته وقعت من طولي أنا مسمحاه ليوم الدين".
جراحة ابن شريفة ماهر
وأضافت خلال مداخلة هاتفية ببرنامج “كلام الناس” المذاع على قناة “mbc مصر”: "حاولت الاتصال بابني اللي توفي لما عرفت إنه هيجري عملية جراحية في القلب وردوا عليَّ في المستشفى إن حالته صعبة".
وفاة ابن شريفة ماهر
ولفتت شريفة ماهر: "طليقة ابني اللي عايشة في السويد بلغتني بوفاته وسامحته على كل حاجة لأني أم، اللي مات مجدي، واللي ما بحبهوش ابني شريف لسه ما ماتش ودا عمري ما هسامحه ولا هرضى عليه وللأسف هو مسعور على الفلوس، وما كنتش متصورة أن يحصل معايا كده من ولادي".
بكاء شريفة ماهر
وأكملت باكية: "مجدي ابني اللي مات ما كانش بيني وبينه مشاكل، وللأسف دفنوا ابني من غير ما يبلغوني".
نجل شريفة ماهر
وقال شريف شوقي: "أنا عارف إن الجنة تحت أقدام الأمهات، ولا يمكن في حياتي أشتم أمي أو أمد إيدي عليها، إيدي تتقطع قبل لما أمد إيدي عليها.. أنا اشتريت الشقق الخاصة بأمي منذ 2007، وفي حيازتي والمرافق كلها باسمي، ومعايا عقود صحة وتوقيع، والمهندس اللي كان باني معاها العمارة موقع شاهد على العقود، وبعطيها فلوس تعيش منها، وأختي ناهد أعطتها مليون جنيه سمسرة من الفيلا اللي باعتها".
لتعقب الفنانة شريفة ماهر: "عامل لي صحة توقيع فين دي مزورة.. دا أنا هسجنك، أنا بايعة لبنتي نيفين العمارة من 2007، وكتاب ربنا مبعتش ليك.. أنت كداب وربنا هينتقم منك، لو هعدم عينيا".
