شهود النفي بقضية الآثار الكبرى يحاولون إنقاذ المتهمين.. وهذا نص التحقيقات

استمعت محكمة جنايات القاهرة أمس الأحد لأقوال شهود النفي في قضية الأثار الكبرى المتهم فيها حسن راتب وعلاء حسانين وآخرين.

وحاول شهود النفي إنقاذ المتهمين من القصية وتجلى ذلك في أقوالهم.

وترصد فيتو أقوال شهود النفي في القضية:

الشاهد الأول (حارس فيلا علاء حسانين) 

المحكمة: ما علاقتك بالمتهمين؟

ج: أنا غفير علاء حسانين

الدفاع يستجوب الشاهد… س:ما سبب تواجد المتهم في المنيا؟

ج: كان بيكرم مدرس طالع معاش وانتقلت المحكمة لشهادة شاهد النفي الثاني “جهاد عبد النعيم” في محاكمة حسن راتب وعلاء حسانين وآخرين في قضية الآثار الكبرى.

وأكد الشاهد أنه جار علاء حسانين في بيته في المنيا، وقال: طلب مني الغفير الخاص بتاع علاء حسانين اجيبله سمنة بلدي جبتله 13 كيلو و14 كيلو وز وفطير بلدي وحوالي 12 زجاجة زيت وسكر، وجبنا له كرتونة مواعين، وبعدها بشوية قالوا علاء اتخطف، وبعدها اخدنا الموتوسيكلات وروحنا ندور عليه لقينا علاء حسانين اتقبض عليه في كمين وبعدها روحت نمت وتاني يوم سمعت انهم أخدوا عز اخو علاء والكلام ده كان موافق يوم ٢٣ /٦ /٢٠٢١ لأن كان عنده حفلة بيكرم فيها مدرس خرج على المعاش.

وأضاف، أنه أثناء قيامه بوضع المواد التموينية في سيارة علاء حسانين لم يشاهد أي كراتين في شنطة السيارة، والسيارة كان فيها سكر وزيت وزبدة فقط.

وسمعت المحكمة شاهدة النفي هناء زوجة علاء حسانين في قضية الآثار الكبرى.

 وسألتها المحكمة: ما علاقتك بالمتهمين علاء حسانين وأكمل ربيع وعز الدين حسانين ومحمد كامل حسانين؟

 الشاهدة:علاء حسانين زوجي

س: ما معلوماتك؟

ج: علاء كان في البلد فاتصل بيا اكمل حوالي ٩ وتلت وهم راجعين من البلد فيه عربية ماشية ورانا والحاج علاء كلم رئيس المباحث بلغه فقاله اقف في الكمين لحد يخطفك لانه اتعرض قبل كده لضرب المولوتوف.

وطالب دفاع علاء حسانين من محكمة جنايات القاهرة أثناء نظر جلسة محاكمة المتهمين في قضية الاثار الكبري التصريح لزوجة موكله بالزيارة.

واستمعت محكمة جنايات القاهرة لأقوال شاهد نفي في قضية الآثار الكبرى وأكد الشاهد أنه عضو مع علاء حسانين في الحملة الانتخابية.

وقال: انا كنت معاه في الساعة ٥ العصر علشان تكريم مدرس، وبعد كده روحنا البلد.

وأضاف: "بعد ما روحنا طلب نغسل العربية ونحط الخزين عبارة عن لحمة وسمنة وزيت في العربية ومشيت الساعة ٨ جينا وفي آخر الليل سمعنا إن الحج علاء اتخطف وبعدين عرفنا إنه اتحبس".

 س: ما سبب القبض علي المتهم؟

ج: سمعنا إنه علشان آثار ومن المواقف الطريفة في الجلسة حضور شاهد نفي بدون بطاقة شخصية أكد شاهد نفي وقال للمحكمة مفيش معايا بطاقة وبرر انها ضاعت امبارح للترد عليه المحكمة ازاي شاهد حاضر ومفيش معاه بطاقة شخصية.

كذلك استمعت محكمة جنايات القاهرة، في محاكمة رجل الأعمال حسن راتب، وعلاء حسانين و21 متهما آخرون بقضية الآثار الكبرى، إلى شاهد النفي حفيد المتهم علاء حسانين.

 وقال هشام مصطفى، إن جده يمتلك فيلا في منطقة الشيخ زايد وأضاف: بينزل البلد بيعمل قعدات صلح عشان الانتخابات في الدايرة، ومعرفش إنه فيه آثار في الموضوع، ومرات جدي كانت فاكرة إن الموضوع سياسة، واتفاجئنا تاني يوم بفيديوهات نزلت على اليوتيوب عرفنا أنه آثار.. وأصلا العربية كان فيها فراخ وسكر وتموين كان بيوزعهم على الفقراء.

وكشفت تحقيقات النيابة العامة مع رجل الأعمال حسن راتب وعلاء حسانين وآخرين - لاتهام الأول بتشكيل وإدارة عصابة بغرض تهريب الآثار إلى خارج البلاد، وإتلافه آثارًا منقولة بفصل جزء منها عمدًا، وإتجاره في الآثار واشتراكه مع باقي المتهمين بطريق الاتفاق في تزييف آثار بقصد الاحتيال، والمعروفة إعلاميًّا بقضية الآثار الكبرى - أن مشاجرة نشبت بين المتهم الأول والثاني بسبب اختلافهما حول تمويل التشكيل العصابي.

وأضافت التحقيقات أن المتهم علاء حسانين والمتهم حسن راتب اتفقا على تمويل الأخير لأعمال الحفر والتنقيب عن الآثار، عن طريق دفعه مبلغا ماليا قدره 14 مليون جنيه مصري، من أصل مبلغ 50 مليون جنيه مصري، متفقا عليها بينهما، ونشب بينهما خلاف ومشاجرة حول ذلك التمويل انتهى بالصلح وعادا لاستئناف نشاطهما الإجرامي مرة أخرى. واستجوبت النيابة العامة علاء حسانين وجاء في التحقيقات: س: ما هي صلتك بالمتهم حسن كامل راتب حسن؟ ج: أنا اتعرفت على دكتور حسن راتب من سنة 1995 أو 1996 تقريبًا في بيت الشيخ محمد متولي الشعراوي، ودامت العلاقة ما بينا وكنا بنروح مع الشيخ الشعراوي في حضرات (قعدات ذكر) في مقر السيدة  نفيسة وسنة 2000، أنا دخلت مجلس الشعب عن دائرة ديرمواس - المنيا وساعتها صلتي اتقطعت بدكتور حسن لغاية سنة 2013، وخلال الفترة دي كنت بشوفه صدف في مجلس الشعب عشان هو كان بييجي يحضر تبع الحزب الوطني، لكن هو مكنش عضو في مجلس الشعب.