لجنة 165.. مرتضى منصور يتفوق على سليمان في انتخابات الزمالك

حصلت "فيتو" على نتيجة فرز الأصوات بلجنة ١٦٥ في انتخابات نادي الزمالك.

وبعد فرز الأصوات في هذه اللجنة حصل مرتضى منصور على ٢٢٧ صوتًا، بينما حصل أحمد سليمان على ١٠٨ أصوات.

وتتواصل عملية فرز الأصوات في اللجان الفرعية بانتخابات نادي الزمالك، وتشير النتائج الأولية حتى الآن إلى تفوق طفيف لصالح مرتضى منصور على حساب أحمد سليمان في مقعد الرئاسة.

كشفت مصادر من داخل خيمة فرز الأصوات الخاصة بانتخابات نادي الزمالك أن عدد المصوِّتين في العملية الانتخابية أمس يقترب من 40 ألف عضو وهو رقم كبير خاصة وأن توقيت التصويت كان من التاسعة صباحًا حتى السابعة مساءً على عكس الانتخابات الماضية التي أُقيمت في يومين.

انتخابات نادي الزمالك

على جانب آخر قال الإعلامي عمرو أديب: "انتخابات نادي الزمالك حاجة مسيئة وشيء مسيء جدًّا لصورة نادي الزمالك وصورة طرف أساسي في الرياضة المصرية".

وتابع خلال لقائه ببرنامج "الحكاية" المذاع على قناة "إم بي سي مصر": "أعضاء نادي الزمالك المفترض صفوة المجتمع، ستات بتتهرس وشباب بتجري وراء بعض".
 

صلاة الجمعة في الزمالك

وأكمل: "هل المنافسة حامية الوطيس للدرجة دي، يا جماعة النادي كان فيه خناقة على صلاة الجمعة؟ هي الأخلاق في مصر جري فيها إيه؟ ما إحنا شوفنا انتخابات تانية زي الفل.. إحنا بنتخانق على إيه في انتخابات الزمالك؟.. اللي حصل النهاردة في نادي الزمالك مخجل".

مشاجرات نادي الزمالك

وأكمل: "لو يرضى حد الخناقات اللي حصل أنا موافق، بهوات وبدل بيضربوا في بعض طحن والست بتتهرس تحتهم، أنا مش عارف بيتخانقوا على إيه؟ أنا مش فارق معايا مين اللي يكسب ولكن في النهاية إيه اللي بيحصل ده من شتايم وخناقات من صفوة المجتمع".
 

انتخابات نزيهة

واستطرد: "ده بطل أفريقيا ونادي الوطنية، ستات تتضرب وأطفال تتبهدل ورجالة تطحن، ده لا يمكن يكونوا أعضاء نادي الزمالك، هل ده مستوى أخلاق بهوات أعضاء النادي، هو ده شكل انتخابات وورق مترمى في الأرض، المنظر والله مش مشرِّف لا للرياضة ومصر متشيلش الكلام ده، دا انتوا لو أعداء يا راجل مش هتعملوا كده، والكسبان هياخد إيه ده نادي مش لاقي يأكل وعنده أزمات مالية، ومش عارفين لسه نجدد للاعيبة، هو ده كده جو انتخابات نضيفة ونزيهة؟ أنا معرفش بس المنظر أذاني للنادي اللي أنا بحبه طلع شكله وحش".

حرب شوارع

وتابع: "لمصلحة مين يطلع شكل انتخابات نادي الزمالك بالشكل ده، أحد الناس قالك ده حرب شوارع.. يا نهار أسود ده أنا مشوفتش كده من أيام الإخوان".