تعرض حمو بيكا لوعكة صحية مفاجئة بعد انتهاء لقائه بأحد البرامج التليفزيونية

تعرَّض مؤدي المهرجانات حمو بيكا لوعكة صحية مفاجئة، عقب الانتهاء من حلوله ضيفًا على برنامج "كلام الناس". 

وقال أحد القائمين على أعماله: إن بيكا شعر بهبوط مفاجئ وضيق في التنفس، وتم نقله لأحد المستشفيات الشهيرة.

وأكد المصدر لـ"فيتو"، أن بيكا يُجري بعض الفحوص الشاملة؛ لمعرفة الأسباب الرئيسية لهذه الوعكة، مشيرًا إلى أن هناك طاقمًا طبيًّا يتابع حالته الصحية.

ونشر القائم على حساب حمو بيكا بـ"فيس بوك" صورةً للمطرب وهو في المستشفى، وعلَّق قائلًا: "ادعو لحمو بيكا يقوم بالسلامة يا جدعان.. وحسبي الله ونعم الوكيل في اللي كان السبب".

وكان مؤدى المهرجانات حمو بيكا قال: "رفعت قضية على الفنان هاني شاكر ونقابة المهن الموسيقية بسبب إبعادي عن الغناء".
 

دعوى قضائية 

وأضاف خلال لقائه ببرنامج "كلام الناس" المذاع علي قناة "إم بي سي مصر": "لو مكسبتش القضية اللي رفعتها على نقابة الموسيقيين هكون وصَّلت صوتي للناس لأني اتظلمت".

وتابع: "كانوا بيحصلوا مني في الحفلة الواحدة 15 ألف جنيه ومباخدش وصل بالفلوس اللي دفعتها في نقابة الموسيقيين".

وكان المطرب الشعبي عبد الباسط حمودة قال: "أنا بحب حمو بيكا علشان هو إنسان طيب بس هو يديني ودنه ونفسه شهر وأنا هخليه يعرف يغني ويبقى كويس جدًّا ويعرف هو بيقول إيه".
 

دعم حمو بيكا

وتابع خلال مداخلة هاتفية ببرنامج "مصر جديدة" المذاع على قناة "إي تي سي": "هعلم حمو بيكا من قلبي وهعرفه إزاي يغني ويجيب طبقته وعلشان هو إنسان عنده طموح وعايز يأكل عيش.. إحنا لازم ناخد بإيده".
 

تلامذة عبد الباسط حمودة

ولفت: "أحمد شيبة واخد مني.. وطارق الشيخ ومحمود الليثي ودنيا سمير غانم ونيكول سابا كلهم واخدين مني".

تعليم حمو بيكا الغناء

وتابع: "أقسم بالله هعلم حمو بيكا الغنا وهخليه مطرب في شهر وكأنه بيغني بقاله 30 سنة، وهعلمه المقامات بس هو يديني ودنه بس هو بعيد، أنا لما بتصل بيه بلاقي تليفونه مقفول، هو ناقصه علم النغم".

وقال مؤدي المهرجانات حمو بيكا: "فيه ناس في نقابة المهن الموسيقية بتبعتني أفراح بدون أجر، وكنت بقول حاضر ونعم وأنا حاسس بالظلم".
 

الغناء بدون أجر

وأضاف خلال لقائه ببرنامج "مصر جديدة" المذاع على قناة "إي تي سي": "كنت بخاف أرفض طلبات بتوع النقابة في الغناء بدون أجر ليوقفوني وما أشتغلش تاني".
 

ظلم حمو بيكا

وتابع: "النقابة بتبعتني أفراح بدون ما آخد أي فلوس وأبقى طالع من الفرح اللي تبعهم وأطلب منهم أروح فرح خاص يقولوا لي لأ، وعمرب ما شفت أكتر من كده ظلم".