حمو بيكا: عايز ادخل نقابة الموسيقيين بجمهوري مش بصوتى

قال مؤدى المهرجانات حمو بيكا:"تراب بلدي أهم من أي مكان وزعلان إنى ممنوع أغنى عليه، ونقيب الموسيقيين هاني شاكر صرح لكل الناس تغني ما عدا أنا".
 

كارنيه نقابة الموسيقيين

وأضاف خلال لقائه ببرنامج "كلام الناس" المذاع علي قناة "ام بي سي مصر":"انا معنيش صوت انا داخل بالجمهور وعايز كارنيه النقابة".
 

جمهور حمو بيكا

وتابع:"بعض اعضاء مجلس النقابة قالوا ان في ناس مينفعش تغني وبعدين عملوا لهم كارنيهات، انا ليا جمهور اوَخر حفلة ليا حضرها 40 ألف متفرج".
 

اختيارات نقابة الموسيقيين

ولفت حمو بيكا:"اختبارات الصوت في النقابة مش بتمشي بما يرضي الله، ومفيش قانون يمنعني أغني داخل بلدي".
 

حمو بيكا يهدد نقابة الموسيقيين: "إنتوا ظلمة.. وهوصل صوتي لمجلس النواب" | فيديو

حمو بيكا: فيه مسؤولين بنقابة الموسيقيين بيبعتوني أفراح تبعهم بدون أجر | فيديو

وقال المطرب الشعبي عبد الباسط حمودة: "أنا بحب حمو بيكا علشان هو إنسان طيب بس هو يديني ودنه ونفسه شهر وأنا هخليه يعرف يغني ويبقى كويس جدًّا ويعرف هو بيقول إيه".
 

دعم حمو بيكا
وتابع خلال مداخلة هاتفية ببرنامج "مصر جديدة" المذاع على قناة "إي تي سي": "هعلم حمو بيكا من قلبي وهعرفه إزاي يغني ويجيب طبقته وعلشان هو إنسان عنده طموح وعايز ياكل عيش احنا لازم ناخد بإيده".
 

تلامذة عبد الباسط حمودة
ولفت: "أحمد شيبة واخد مني وطارق الشيخ ومحمود الليثي ودنيا سمير غانم ونيكول سابا كلهم واخدين مني".

تعليم حمو بيكا الغناء
وتابع: "أقسم بالله هعلم حمو بيكا الغنا وهخليه مطرب في شهر وكأنه بيغني بقاله 30 سنة وهعلمه المقامات بس هو يديني ودنه بس هو بعيد، أنا لما بتصل بيه بلاقي تليفونه مقفول، هو ناقصه علم النغم".

وقال مؤدي المهرجانات حمو بيكا: "فيه ناس في نقابة المهن الموسيقية بتبعتني أفراح بدون أجر وكنت بقول حاضر ونعم وأنا حاسس بالظلم".
 

الغناء بدون أجر
وأضاف خلال لقائه ببرنامج "مصر جديدة" المذاع على قناة "إي تي سي": "كنت بخاف أرفض طلبات بتوع النقابة في الغناء بدون أجر ليوقفوني وما أشتغلش تاني".
 

ظلم حمو بيكا
وتابع: "النقابة بتبعتني أفراح بدون ما آخد أي فلوس وابقى طالع من الفرح اللي تبعهم وأطلب منهم أروح فرح خاص يقولوا لي لأ وعمرى ما شفت أكتر من كده ظلم".