منة فضالي: سيدة ألقت ابنها الرضيع ولما حاولت اتبناه مات
![منة فضالي](images/no.jpg)
سيطرت حالة من الحزن على الفنانة منة فضالي، بسبب جحود إمرأة تركت طفلها الرضيع في أحد المستشفيات بمحافظة الفيوم - حسب روايتها - وقررت الفنانة حينها تبنى الطفل لكنه توفى قبل إنهاء الإجراءات الرسمية للتبني.
وكتب منة فضالي، في منشور عبر حسابها الرسمي بموقع التواصل الإجتماعي “فيسبوك”: “الولد ده اتولد من ٥ ايام امه خلفتوه في مستشفي في الفيوم وقالتلهم انا مش عاوزاه ارموه في الشارع الممرضه صعب عليها خدتو تربية جوزها قالها تبقي طالق لو الولد ده فضل في البيت راحت مرجعاه المستشفي تاني".
وأضافت: “واحدة تانية بتشتغل معايا في البيت اختها اخدتو تربية سافرت الفيوم واخذت الولد وذهبت به لدكتور طلع عنده الصفرا بتقولي النهارده قولتلها هاتيه انا هتبناه لاني نفسي يبقي عندي طفل”.
وتابعت: “ من شويه بتكلم اختها قالتلها الولد مات بعد ما ابتديت اخد اجراءات التبني مش قادره اوصفلكم حالتي حقيقي ولا اوصف كرهي للست اللي خلفت حته لحمه ورمتها وراحت تشوف نفسها جالها قلب ازاي ترمي ضناها مهما كانت ظروفها ابنها ضناها بس يعلم ربنا اني كنت هخليه احسن حد في الدنيا مش الام اللي بتخلف الام اللي بتربي”.
وأنهت منة فضالي منشورها: "انا بكتب البوست ده لاني فعلا موجوعه من قلبي وكنت فرحانه اني هاخد الولد بس ربنا مش رايد.. ربنا يرحمك برحمتو وحسبي الله ونعمه الوكيل”.