طلب هاني شاكر جنسية الكاريبي يثير الجدل.. والنشطاء: مصر مزعلاك يا فنان | فيديو
تفاعل نشطاء مواقع التواصل الاجتماعي مع طلب نقيب المهن الموسيقية الفنان هاني شاكر للحصول على جنسية دول البحر الكاريبي، وخاصة بعد تداول مقطع فيديو له أثناء توقيعه العقد للحصول على جنسية وجواز سفر دول البحر الكاريبي، عن طريق الاستثمار.
هاني شاكر وجنسية الكاريبي
وأظهر الفيديو ترحيب القائمين على السفر والجنسية لـدول بحر الكاريبي بالفنان هاني شاكر، ونادوه بأمير الغناء العربي هاني شاكر، وجاء بالفيديو أن هاني شاكر كان يوقع العقد للحصول على جنسية وجواز سفر دول الكاريبي، عن طريق الاستثمار في منتجع "سكرت باي Secret Bay" في دومينيكا، متمنين له التوفيق، وأنهم سيعاودون تصويره بعد حصوله على جواز سفر الكاريبي.
وعبر هاني شاكر، من خلال الفيديو، عن سعادته لهذه الخطوة قائلًا: "أنا سعيد بهذه الخطوة جدًا"،
تفاعل نشطاء مواقع التواصل الاجتماعي مع طلب هاني شاكر للحصول على جنسية دول البحر الكاريبي عن طريق الاستثمار، فقال سامي عطية: "هو نقيب المغنواتية الفنان هاني شاكر.. ليه بيحاول يشتري جواز سفر دول الكاريبي؟ هي #مصر مزعلاك في إيه يا فنان؟ إيه الى في الكاريبي ومش لاقيه في مصر".
تأشيرة دول أوروبا
ورد محمود إسماعيل: "هو بياخد الجنسية دي لانه مش هيحتاج تأشيرة لأي دولة أوروبية أو أي دولة في العالم ومش هيروح سفارات وقنصليات وهوب طقت في دماغه يسافر بسبوره فقط وتذكرة طيران 90 % من رجال الأعمال والفنانين الوطنيين بياخدوها...".
وعلق عبد الله: "أعتقد المشاهير زي عادل إمام وهاني شاكر بياخدو التأشيرات بكل سهولة غير المواطن العادي ف هاني شاكر مش محتاج جنسيه عشان يقدر يسافر أي بلد هو اخدها عشان غرضه هو الاستثمار والجنسية هتسهل عليه حاجات كتير مع حكومة البلد دي".
وأضاف أبو عمرو التميمي: "من شروط الحصول على الباسبور الاستثمار بدفع مبلغ ١٠٠ ألف دولار لا تسترد في خزينة الدولة وبذلك تحصل على الباسبور حركة ظاهرها الاستثمار وباطنها الباسبور، وكل سنه وانتا طيب".
وعلق عبد الله 26165 قائلًا: "لا خلي بالك فيه فرق هما شرطين الشرط الأول هو دفع مبلغ 100000 دولار ده مش استثمار ده بيتحط في خزينة الدولة والشرط الثاني تشتري عقار بأحد الفنادق الخمس نجوم وتاخد أرباح 5 في الميه كل سنه وفيه فيديو موضح الكلام ده"، وقالت منى صلاح الدين" "هو حر في قراراته".
يدخل 120 دولة
وعلق أسامة يسري: "الباسبور دا هيخليه يدخل ما يقرب ١٢٠ دولة دون تأشيرة مسبقة، الحاجة التانية هو حر الحاجة التالتة بعض من رموز الإخوان مخلفين في أمريكا علشان الباسبور مش كدا برضه".
وقال أحمد إبراهيموفيتش: "بـ ٦٠ ألف دولار تقريبا وبيقدر يدخل أي دولة من دول العالم بدون تأشيرة".
ورد أحمد عبد السلام قائلًا: "انه يعرف يدخل ١٥٢ بلد من غير ما يقف طوابير على أبواب السفارات عشان تثبت انك مواطن مصري مش هتكسر فيزا وتهرب ولا تبقي في بلد ووالدك في بلد جنبك بينها ساعة بالعربية ومش عارف تشوفو عشان الفيزا طالبين طلبات امريكا نفسها مابتطلبهاش".
وسخر محمد حافظ قائلًا: "كده حمو بيكا ممكن يكون وكيل للنقابة أو قائم بعمل نقيب المغنواتية أو حسن شاكوش".
وقال أحمد كمال: "بيدخلك ١٤٠ دولة وبعدين هو داخل استثمار عقاري زي مابتشتري وحدة عقارية ف مصر والسعر ع فكرة يعتبر زي مصر وأرخص".
وأضاف محمود سليمان: "دول الكاريبي بتقدم إعفاء ضريبي".
ويُعد البحر الكاريبي أحد أفرع المحيط الأطلنطي، جنوب شرقي خليج المكسيك. يحد البحر من الجنوب أمريكا الجنوبية ومن الغرب أمريكا الوسطى وتحيط بها جزر الأنتيل.
ومنذ عام 1945 استقلت أغلب جزر الهند الغربية، فحصلت الأنتيل الهولندي، وبورتوريكو على الحكم الذاتي الكامل تقريبًا في مطلع الخمسينيات من القرن العشرين. وشكلت عشر مستعمرات بريطانية اتحاد جزر الهند الغربية عام 1958. وهذه الدول هي (1- أنتيجوا، 2- باربادوس، 3- دومينيكا، 4- جرينادا، 5- جامايكا، 6- مونتسيرات، 7- سانت كريستوفر (سانت كيتس) ـ نيفيس ـ أنجويلا، 8- سانت لوسيا، 9- سانت فينسنت والجرينادين، 10- ترينيداد وتوباجو). لكن الاتحاد انحل سنة 1962م بعد أن استقلت جامايكا وترينيداد وتوباجو.
