تامر حسني يلبي رغبة طفل مريض ويزوره في منزله |فيديو
لبى الفنان تامر حسني رغبة الطفل مصطفى شاهين، الذي يعاني من شلل بجهازه الهضمي، وزاره اليوم في منزله.
ووجهت والدة الطفل مصطفى الشكر لتامر حسني من خلال منشور نشرته عبر موقع التواصل الاجتماعي فيس بوك وكتبت قائلة:"أول ما حالة مصطفى وصلت للفنان تامرحسني، لقيناه بعدها بساعة جاي من آخر الدنيا جري من منطقة الشيخ زايد للتجمع الخامس عشان يطمن على مصطفى وبالصدفة مصطفى أصلًا بيحب تامر حب مش عادي وبيتفرج على أفلامه هو بس لدرجة لما شافه مصدقش وافتكر أن دا واحد شبه تامر".
وأضافت:" ابني عنده شلل في الجهاز الهضمي كله مفيش امعاء ولا معده ولا بنكرياس ولما بيتوجع مينفعش ياخد مسكن أو أي دوا يعني ألم طول الحياة ومفيش صحة نهائي ودا مأثر على ادراكه، نفسي ابني يرجع زي صورته اللي في اول الڤيديو قبل المرض ادعوله أرجوكم وناشدوا معايا كل الجهات المسؤله في دولتنا العظيمة انقذوا مصطفى الموضوع مش سهل ومش أي حد يقدر يعمله لصعوبة الخطوات والتكاليف اللي بتتجاوز ٣٦ مليون جنيه الموضوع أكبر من الأشخاص عشان كدا اتمنى صوتي يوصل لكل الجهات المعنيه الفاضله وشكرًا لكل اللي حاولوا يساعدوني".
واختتمت حديثها بـ:" شكرًا يا تامر على سرعة استجابتك وعلى كل اللي قولته واللي عملته امبارح واللي لسه بتحاول تعمله عشان طفل انت متعرفهوش ربنا يراضيك يا ابني وينصرك ويسترك دنيا وآخره".
