"طبق كنافة".. قصيدة جديدة لـ "دعاء عبد الوهاب"

طرحت الشاعرة دعاء عبد الوهاب قصيدة جديدة بمناسبة حلول شهر رمضان المبارك بعنوان "طبق كنافة" تقول فيها:

طبق كنافة..
آخـر لطافة..
بزبيب وقشطة ومكسرات..
سحور ليلاتى..
ومسحراتى..
فوانيس وزينة ف البلكونات..

تراويح وسهرة..
و ضيوف وسفرة..
خُشاف وسوبيا وقمر الدين..
قرآن وخَتمة..
عيلة ولمَّـة..
تسبيح وذِكـر وناس صايمين..

يا بشايرُه هِلُّــوا..
حللو يا حللو..
يا شهر جاى من ريحة الجنة..
مستنيينك..
يا هلالنا فينك..
تطلع بنورك تسحر عيوننا..

يارب بدِّل دمعتنا فرحــة..
و عيدان سعادة حوالينا طارحة..
استر عيوبنا..
و اغفر ذنوبنا..
و انصر بلدنــا..
و نعدِّى بيها من كل محنة..
ياااااااااارب