أشخاص بيكتبوله مسلسلاته.. سيناريست يشكك في موهبة عمرو محمود ياسين
شكك أحد الكتاب المغمورين، في موهبة السيناريست عمرو محمود ياسين الذي كتب الأجزاء الأربعة لمسلسل "نصيبي وقسمتك"، حيث كتب تدوينة عبر حسابه الشخصي بموقع التواصل الاجتماعي قال فيها: "انتوا محظوظين أن عندكم المكتب اللي فيه سيناريستات بتكتب للأخ عمرو محمود ياسين مسلسلاته".
ورد عمرو بشكل قوي من خلال تدوينة طويلة حيث قال: "يا أستاذ يامحترم أصعب شيء بالدنيا إن ييجي حد يبقي عايز يمحو تعبك ومجهودك بالشكل ده، وطبعا يعني كان لازم طالما ناوي تشكك فيا بالشكل ده كنت تراجعني أولا".
وأضاف: "جميع قصص نصيبي وقسمتك من سيزون ١ لسيزون ٤ من تأليفي منفردا، بمعني إن مفيش حد إداني قصة أو فكرة ولا استخدمت ورشة لمساعدتي في الكتابة، إلا في قصتين اتنين عبر الأربع مواسم، وهما حكاية اسمها "جدول الضرب" كانت في سيزون ٢ وحكاية "انسى روحي وياك" في سيزون ٤ الحكايتين دول فقط اللي كنت استعنت بورشة، فالمرة الأولي في حكاية جدول الضرب لضيق الوقت، وكنت بقول لهم تتابع الحلقة ويكتبوا المشاهد ويبعتوها أقوم أنا مراجع المشاهد تاني اللي أنا قلت عليها وأعدل بالحوار مرة تانية وأراجع الحلقة وبعدين اطلعها ".
وتابع: "خلي بالك أتت ببوست زي ده بتهد مجهود وتعب أنت لا تتصوره، أي حد شارك في نصيبي وقسمتك يعلم جيدا مين اللي كتبه كله، أي شخص أي فرد عارف كويس اللي بقوله فميصحش كده يا أستاذ".
